Sulm në Ambasadën e Azerbajxhanit në Iran, vritet shefi i Sigurisë, plagosen dy roje

Sulm në Ambasadën e Azerbajxhanit në Iran, vritet shefi i Sigurisë, plagosen dy roje

Flamuri i Azerbaixhanit

Shefi i Sigurisë së Ambasadës së Azerbajxhanit në Teheran është qëlluar për vdekje. Mediat shtetërore të Azerbajxhanit bëjnë me dije se si pasojë e sulmit kanë mbetur të plagosur edhe dy roje sigurie.

Një burrë me pushkë të llojit Kalashnikov e ka qëlluar për vdekje shefin e sigurisë në Ambasadën e Azerbajxhanit në Teheran, si dhe ka plagosur dy roje tjera të ambasadës, ka njoftuar ministria e Jashtme e Azerbajxhanit. Ministria ka thënë se hetimet kanë nisur, ndërsa përsa i përket gjendjes shëndetësore të të rojeve që janë plagosur thotë se është stabël.

Irani, vend në të cilin jetojnë miliona azerbajxhanas, e ka akuzuar Bakun disa herë për nxitje të qasjeve separatiste në territorin e tij. Marrëdhëniet në mes të Azerbajxhanit dhe Iranit kanë qenë tradicionalisht të tensionuara, pasi Bakuja është e afërt me, Turqinë,  rivalen historike e Iranit.

Irani po ashtu dyshon për bashkëpunimin ushtarak të Azerbajxhanit me Izraelin – i cili dërgon sasi të mëdha të armëve në Baku – duke thënë se Tel Avivi mund të përdorë territorin e Azerbajxhanit si urë kundër Iranit.

F.D/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet