Një shpërthim brenda një xhamie në qytetin veriperëndimor të Pakistanit, Peshaëar, ka të ngjarë të jetë një sulm vetëvrasës dhe sipas raportimeve të deritanishme nga mediat e huaja thuhet se kanë vdekur mbi 59 persona dhe 120 janë plagosur. Një zyrtar i lartë i sigurisë, zëvendës komisionari Shafiullah Khan, konfirmoi numrin e viktimave për televizionin shtetëror, duke shprehur frikën se numri i të vdekurve mund të rritet.
Autoritetet përkatëse konfirmuan se në spital ndodhen për mjekimin e nevojshëm dhjetëra të plagosur dhe e përshkruan gjendjen e disave prej tyre si "kritike". Të mbijetuarit dhe punonjësit e ekipeve të shpëtimit thanë se çatia e ndërtesës u rrëzua nga shpërthimi masiv. Sulmi u dënua nga kryeministri Shahbaz Sharif, por nuk janë dhënë ende detaje mbi natyrën e sulmit. Xhamia frekuentohej nga zyrtarë të sigurisë dhe të qeverisë.
Provinca pakistaneze kufizohet me Afganistanin dhe ka përjetuar sulme të përsëritura terroriste muajt e fundit. Shumica e akteve të dhunës në të kaluarën pretendoheshin nga organizata e jashtëligjshme Tehrik-i-Taliban Pakistani pjesëtarët e së cilës janë të njohur si talibanët pakistanezë.
“Vrasja brutale e muslimanëve që bëjnë sexhde para Allahut është kundër mësimeve të Kuranit”, tha Sharif në një deklaratë, duke shtuar se “vënia në shënjestër e Shtëpisë së Allahut është dëshmi se sulmuesit nuk kanë të bëjnë fare me Islamin. Terroristët duan të krijojnë frikë duke vënë në shënjestër ata që kryejnë detyrën e mbrojtjes së Pakistanit”, tha kryeministri.
Është thelluar bilanci i viktimave në Pakistan. Të paktën 59 persona mbetën të vrarë dhe mbi 150 të tjerë u plagosën gjatë një sulmi me bombë në një xhami në zonën e Pesheëarit në Pakistan, pranë kufirit me Afganistanin.
Nga pamjet e bëra publike duket se një pjesë e murit të xhamisë është shkatërruar tërësisht, ndërsa vazhdojnë kërkimet për trupa që mund të kene mbetur në rrënoja.
Shumë prej viktimave konfirmohet se ishin pjesëtarë të forcave të policisë, që kanë qenë edhe objekt i sulmit. Asnjë grup nuk e ka marrë përsipër sulmin, por besohet se pas tij fshihen forcat talebane.
Autoritetet policore thanë se rreth 300-400 efektivë ndodheshin në zonë në momentin e shpërthimit.
Kryeministri pakistanez Shehbaz Sharif reagoi ashpër pas sulmit duke e dënuar atë. Ai tha se ata që fshihen pas këtij shpërthimi nuk kanë asnjë lidhje me Islamin duke theksuar se i gjithë vendi është I bashkuar kundër kërcënimeve të terrorizmit.
Lajme të tjera
-
Masakra me 137 të vdekur, Rusia në zi kombëtare! Kim Jong Un i shpreh ngushëllimet Putin
24 Mars, 08:49 -
Grupi terrorist sulmon bazën ushtarake në Pakistan, vriten 7 ushtarë e plagosen 17 të tjerë
16 Mars, 20:11 -
Turqi, sulm terrorist para gjykatës në Stamboll, 5 persona të plagosur, mes tyre 3 policë! Ekzekutohen 2 agresorët (FOTO)
6 Shkurt, 10:43 -
ish-kryeministri pakistanez Imran Khan dhe gruaja e tij dënohen me burg për martesë të jashtëligjshme
3 Shkurt, 15:31 -
Zgjedhjet në Pakistan, ekzekutohet kandidati i pavarur! ISIS merr përgjegjësinë për sulmin
1 Shkurt, 12:52 -
Ish-kryeministri pakistanez dënohet me 10 vjet burgim
30 Janar, 11:41 -
Një sulmues në Iran vret 9 persona afër kufirit me Pakistanin
27 Janar, 16:06 -
Pakistani dhe Irani synojnë shtensionimin e situatës pas sulmeve reciproke
19 Janar, 19:53 -
Telefonata që alarmoi policinë belge për sulm terrorist, arrestohen 3 persona
12 Janar, 12:15 -
Mediet e Kosovës: Shërbimet sekrete të Serbisë kanë planifikuar sulm terrorist ndaj serbëve që jetojnë këtu! Synohet fajësimi i Prishtinës zyrtare
5 Janar, 22:12 -
Në burg për korrupsion, ngrihet aktakuzë e re kundër ish-kryeministrit pakistanez Imran Khan
3 Janar, 17:24 -
Pakistani ndalon të gjitha festimet për Vitin e Ri, në shenjë solidariteti me palestinezët
31 Dhjetor 2023, 17:00
