Incidenti me policinë në Elbasan/ Shtyhet gjyqi për Suel Çelën, gjykata kërkon ndihmën e INTERPOL-it

Incidenti me policinë në Elbasan/ Shtyhet gjyqi për Suel Çelën, gjykata kërkon ndihmën e INTERPOL-it

Mosparaqitja në gjykatë e Suel Çelës është bërë shkak për shtyrjen e seancave gjyqësore nga Gjykata e krimeve të Rënda. Ditën e sotme ishte planifikuar zhvillimi i procesit gjyqësor kundër tre të pandehurve Suel Çela,Enea Bekteshi,Kelmend Xhaferri për akuzën e “Vrasje e punonjësve të policisë së shtetit", kryer në bashkepunim, mbetur në tentative, "Prodhim dhe shitje narkotikesh", "Prodhim dhe mbajtje pa leje e armeve luftarake". Pavarësisht këtyre akuzave tre të pandehurit nuk kanë vrarë dhe plagosur asnjë efektiv të policisë së Elbasanit, veç një gërvishtje automjetesh mes një Audi dhe Golfit të policisë, ku ndodhej nëndrejtori i policisë së Elbasanit Gjergji Oshafi. Pavarësisht kësaj gjyqtari Klodian Karushi, ka shtyrë seancën gjyqësore për njoftimin e të pandehurit në mungesë Suel Çela dhe të dëmtuarve të kësaj ngjarje që janë disa efektive të policisë Elbasan.

Kjo dosje është çuar dy herë në Elbasan për moskopetencë nga Krimet e Rënda, por sërisht prokuroria e Elbasanit ja ka çuar çështjen për hetim prokurorit të Krimeve të Rënda Behar Dibra.Ky i fundit nuk ka qenë dakord me dërgimin e dosjes në gjykatë me tre të pandehur për akuzën e “Vrasje e punonjësve të policisë së shtetit", kryer në bashkepunim, mbetur në tentative, pasi nuk kishte prova dhe skishte asnjë të vrarë e të plagosur. Por ndryshe nga mendimi i prokurorit të çështjes shefja e prokurorisë së krimeve të rënda Donika Prela vendosi që dosja të kalohej për gjykim për shkak edhe të mbarimit të afateve hetimore.

Në seancën e sotme, gjykata deklaroi se do të kërkojë ndihmën e Interpolit për kërkimet, kjo për faktin se Petrit Çela, babai i të pandehurit Suel ka deklaruar se i biri është larguar jashtë vendit. Në proces, mungonin gjithashtu edhe dy oficerët e policisë, të cilët janë të dëmtuar nga vepra penale Gjergj Oshafi dhe kolegu i tij. I riu Suel Çela akuzohet nga prokuroria si personi, i cili me makinën e tij tip “Audi” goditi në shtator të 2017 në hyrje të Tregut Agroushqimor, makinën e policisë, duke vënë në rrezik jetën e zëvendësdrejtorit të qarkut Gjergj Oshafi dhe një oficeri tjetër. Nën akuzë për këtë ngjarje, janë vënë edhe dy miqtë e tij, Enea Bekteshi dhe Kelmend Xhaferri. Seanca e rradhës është lënë të zhvillohet në datën 28 shkurt 2019.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet