Tirana e dobët për grupet e Europa League, humbet historinë dhe 3 mln euro

Tirana ka humbur mundësinë për të shkruar me gërma të arta historinë në kupat e Europës. Kjo pasi ndeshje e play-off-it të Europa League kundër Young Boys është fituar pastër nga zviceranët, të cilët i mposhtën 3-0 kampionët e Shqipërisë.

Skuadra e Egbos, e cila në rast kualifikimi do të merrte 30 mijë euro për kokë, rezistoi deri në minutën e 42, kur Fassnacht zhbllokoi shifrat me kokë. Pas këtij moment Tirana u duk e dorëzuar dhe në fillimin e pjesës së dytë Nsame dyfishoi shifrat.

12 minuta më pas do të ishte sërish i njëjti lojtar që shënoi golin e tretë për Young Byos. Për ta bërë mision të pamundur ndikoi edhe kartoni i kuq i Torassa-s në minutën e 67, duke e lënë Tiranën me një lojtar më pak.

Përveç shkruarjes së historisë Tirana humbet edhe 3 mln euro që do t’i merrte gjatë ndeshjeve të grupeve në Europa League.

Rendit zhvillimet sipas orarit:
Ora 22:22
Young Boys shumë i fortë për Tiranën, bardheblutë humbin thellë

Ëndrra europiane e Tiranës është ndalur në ‘play-off-in’ e Europa League. Skuadra kampione e Shqipërisë nuk ka arritur të kualifikohet në grupe pasi Young Boys ishte një kundërshtar mjaft i fortë për ta. 3-0 fituan zviceranët në Bernë.

Ora 21:19
Tirana e pëson në minutat e fundit, e mbyll në disavantazh pjesën e parë

Një gol në minutat e fundit, ekzaktësisht në të 42, ka bërë që Tirana ta mbyllë në disavntazh pjesën e parë me Young Boys. Ai që vendosi 45 minutat e para në favor të zviceranëve ishte Fassnacht, i cili realizoi me kokë.

Tirana do të ketë 45 minuta kohë për të përmbysur shifrat 1-0.

Ora 19:32
Formacionet zyrtare/ Egbo zgjedh 4-2-3-1 për historinë, Young Boys i përgjigjet me dy sulmues

Janë publikuar formacionet zyrtare për ndeshjen Young Boys-Tirana, e vlefshme për play-off-in e Europa League. Trajneri i bardhebluve, ekipit që kërkon të shkruajë historinë, Emanuele Egbo, ka zgjedhur ta nisë me formacionin 4-2-3-1.

Në portë do të luajë blerja Bekaj, në mbrojtje: Ismailgeci, Vangjeli, Najdovski dhe Tosevski. Në mesfushë Batha dhe Çelhaka, ndërsa treshen e sulmit e përbëjnë Gomes, Torassa dhe Cobbina-h, ndërkohë në sulm i vetëm do të jetë Ernest Muçi.

Young Bys: Van Ballmos, Hefti, Kamara, Lefort, Garsia, Fasnaht, Sierro, Lustenberger, Ngamaleu, Lina, Nsame.
Trajner: G. Seoane

Tirana: Bekaj, Ismajlgeci, Najdovski, Toshevski, Vangjeli, Çelhaka, Batha, Kale, Torassa, Cobbina dhe Muçi.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Nënkryetarja e PE e pranon: BE gaboi me masat ndaj Kosovës, ishin të njëanshme! Serbia nuk ndëshkohet nga frika e Rusisë

Nënkryetarja e PE e pranon: BE gaboi me masat ndaj Kosovës, ishin të njëanshme! Serbia nuk ndëshkohet nga frika e Rusisë