POP 5

Lajmet më të lexuara të 5 minutave të fundit

Kronikë

Të dënuar për vrasje, drogë dhe pjesëmarrje në organizata kriminale! OFL i kërkon të plotësojnë formularët Dokles dhe 3 të tjerëve

Këta individë, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.

Të dënuar për vrasje, drogë dhe pjesëmarrje në organizata kriminale! OFL i kërkon të plotësojnë formularët Dokles dhe 3 të tjerëve

Operacioni Forca e Ligjit, ose ndryshe OFL, u ka kërkuar katër personave të dënuar për vepra të ndryshme kriminale, të plotësojnë formularin e vetëdeklarimit të pasurive, pasi dyshohet t'i kenë vënë në rrugë të paligjshme.

Njëri prej tyre është Endrit Dokle, i liruar nga burgu këtë janar nga gjyqtarja e Krujës Enkeleida Hoxha. Endrit Dokle, anëtari i fundit i bandës së Durrësit që ishte në qeli, është i dënuar për veprat penale “Krijim i organizatës kriminale”, “Vrasja me paramendim”, e kryer në bashkëpunim, e mbetur në tentativë, “Rrëmbimi ose mbajtja peng e personit”, kryer në bashkëpunim, në kuadër të organizatës kriminale;

Ndërkohë formularin duhet ta plotësojnë edhe motër e vëlla që jetojnë në Durrës. Bëhet fjalë për Hekuran dhe Fatbardha Hoxha, të dënuar për 'trafikim të narkotikëve e kryer në bashkpunim'.

Sakaq e njëjta gjë vlen edhe për Tedi Hoxhën, banues në Durrës. Ky i fundit është i akuzuar për veprat penale "Organizatë kriminale", "Instalim i pajisjeve interceptuese”, “Ndalim i komunikimeve informatike ose telematike" dhe "Konspiracion penal me synim aksesin e paautorizuar në sistemin e informacionit", parashikuar nga Kodi Penal i Italisë. 

Theksojmë se pasuria e Endrit Dokles, Fatbardha dhe Hekuran Hoxhës, janë verifikuar më herët nga gjykatat pasi kështu procedohet në rastet kur dikush dënohet. Ndërsa për Tedi Hoxhën nuk ka informacion pasi ai është i akuzuar dhe jo i dënuar.

Këta individë, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.

Ne.k./B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Skemat lehtësuese të OSHE për klientët debitorë: Brenda prillit u mbyllën 677 aktmarrëveshje! Ja përfitimi sipas kategorive

Skemat lehtësuese të OSHE për klientët debitorë: Brenda prillit u mbyllën 677 aktmarrëveshje! Ja përfitimi sipas kategorive

20 Prill, 16:59