Të dielën Superliga/ Gega sfidon të kaluarën, Daja: Do shohim strategjinë e Kukësit! Teuta përballet me Tiranën

Të dielën do të luhet java e dytë e Superligës me katër ndeshje në orën 13:45 dhe Skënderbeu-Vllaznia në 16:45. Mbi të tjera spikat sfida mes Partizanit dhe Kukësit, dy ekipeve që në javën e parë u mposhtën respektivisht nga Kastrioti dhe Tirana. Interesant është edhe fakti që Skënder Gega do të vihet përballë ekipit që e shpalli kampiona pas 26 vitesh. Ndërkohë në prag të takimit trajneri i Partizanit Ilir Daja është shprehur:

“Nesër do jemi më shumë të kujdesshëm, që të kemi më shumë ekuilibra në ët gjitha fazat. Do shohim edhe çfarë strategjie do të ketë kundërshtari. Ndeshja e nesërme i ka të tria rezultatet brenda. Edhe Kukësi do të bëjë të njëjtën gjë, do kërkojë tre pikët,”-u shpreh Ilir Daja, trajner i Partizanit.

Tirana që ndeshjen e parë mposhti Kukësin të dielën do të presë në stadiumin e Kamzës skuadrën e Teutës, e cila barazoi të mërkurën 1-1 me Skënderbeun. Bardheblutë kërkojnë një tjetër fitore, për të treguar se këtë sezon janë skuadra për t’u mundur.

“Njësoj si ndaj Kukësit, edhe ndaj Teutës luajmë kundër një kundërshtari që synon titullin kampion dhe do të jetë shumë e vështirë. E kemi vlerësuar maksimalisht dhe do të futemi në fushë për të bërë më të mirën dhe për të marrë fitoren,ʺ-u shpreh Emanuele Egbo, trajner i Tiranës.

“Këtu të gjitha ndeshjet janë të vështirë, Prandaj them që çdo ndeshje është e fortë dhe e rëndësishme. Ne ashtu siç luajmë ndaj Tiranës luajmë edhe ndaj të tjerëve,. Megjithatë të shikojmë, fusha vendos gjithçka,”-u shpreh Edi Martini, trajneri i Teutës.

Dy ndeshjet e tjera të orës 13:45 janë Apolonia-Bylis dhe Laçi-Kastrioti. Ndërkohë pak orë më vonë do të luhet Skënderbeu-Vllaznia. Shkodranët do të kërkojnë një tjetër fitore pas asaj me Apoloninë dhe sipas trajnerit Thomas Brdariç skuadra nuk duhet të presë që ndonjë mrekulli t’i vijë nga qielli.

Ne.k./b.ha./Shqiptarja.com

TAG:
• Tirane
• partizani
• superliga