Të gatuajmë me zonjën Vjollca: Mish viçi i zier në verë me perime dhe Rizoto me bizele dhe domate

Mish viçi i zier në verë me perime

Përbërësit:

800 gr mish viçi (kryesisht tul)

Kripë plus piper I zi

2 lugë gjelle miell

1 gotë verë (200 ml)

2 qepë mesatare

3 degë selino

3 karrota

3 thelpinj hudhra

700 gr domate

Rozmarinë

Vaj ulliri

Përgatitja

Presim qepën me fije dhe e kavardisim atë me 3 lugë gjelle vaj ulliri derisa të zverdhet pak. Shtojmë selinonë e pastruar nga fijet dhe të prerë hollë, karrotat në rrathë, hudhrat e prera në fera, rozmarinë dhe I kavardisim perimet derisa ato të ulin volumin, mundësisht të marrin një ngjyrë të lehtë. Shtojmë kripër dhe piper.

Domatet I pastrojmë nga lëkura dhe farat dhe I presim në kubikë mesatarë. Ndërkohë parallel në një tigan të thellë vendosim përsëri 3 lugë gjelle vaj dhe shtojmë në të mishin të marinuar me kripë dhe piper të zi. E pudrosim me pak miell gruri ose misri dje skuqim mishin derisa të zërë një kore të verdhë. Shuajmë mishin me verë të kuqe dhe e lemë pak derisa të avullojë alkooli I saj.

Shtojmë perimet mbi mishin në tiganin e thellë dhe mbi të domatet në kubikë, e lëmë të zziejë në zjarr mesatar për 15 minuta. Më pas e vendosim në furrë të mbuluar në kapak, ose në alumin, për 1 orë e 30 min, në temperaturë 170 gradë Celsius.

Rizoto me bizele dhe domate

Përbërësit:

300 gr oriz

Lëng perimesh

Vaj ulliri

1 qepë

1/4 lugë gjelle hudhër pluhur

100 gr bizele

60 ml verë e bardhë

1 domate

Kripë plus piper i zi

50 gr parmixhan

1 lugë çaji gjalp

Majdanoz

Përgatitja

Vendosim orizin për të zierë vetëm për 10 minuta në lëng perimesh dhe e lemë shumë aldent.

Në një tigan me 2 lugë gjelle vaj ulliri kavardisim qepën të grirë imët, shtojmë pak pluhur hudhre dhe e kavardisim derisa qepa të zhytet, shtojmë bizelet, I shuajmë në verë, dhe sapo vera të avullojë, shtojmë orizin.  I trazojmë së bashku, plus domaten në kubik, shtojmë 100 ml lëng perimesh dhe parmixhan, 1 lugë gjelle gjalp dhe I lëmë përbërësit të lidhen. Në fund e shërbejmë me majdanoz dhe të ngrohtë.

 

D.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Ekskluzive/ 26 vite Ipeshkv i Shkodrës, Massafra rrëfen për Report Tv arsyet e dorëheqjes! Mesazhet të rinjve: Përpjekjet për t’u pasuruar shpejt, u rrezikojnë jetën

Ekskluzive/ 26 vite Ipeshkv i Shkodrës, Massafra rrëfen për Report Tv arsyet e dorëheqjes! Mesazhet të rinjve: Përpjekjet për t’u pasuruar shpejt, u rrezikojnë jetën