Të gatuajmë me zonjën Vjollca/ Muffins me kungull e tërshërë dhe Supë me thjerrëza

Muffins me kungull dhe tërshërë

Përbërësit:

1 filxhan çaji pure kungull i verdhë

2 kokrra vezë

1 lugë gjelle gjalp ambienti

1 1/4 filxhan çaji qumësht

1/4 filxhan çaji shurup kajsie

Vanilje

3 filxhan çaji tërshërë (e grirë)

1 pako pluhur pjekës

1 lugë kafe kanellë

Pak kripë

Arrëmoskat

50 gr çokollatë lot

50 gr arra

Përgatitja:

Në një mikser, grijmë dhe kthejmë në miell të ashpër tërshërën. Përsëri në këtë mikser, vendosim purenë e kungullit, shtojmë 2 vezë të plota, gjalpin në temperaturë ambienti, qumësht, shurupin e kajsisë, kanellën, pluhurin pjekës, vaniljen, kripën dhe arrëmoskatin. Pasi I kemi vendosur të gjithë përbërësit, i grijmë për 2-3 minuta.

Lyejmë me pak yndyrë format e tavës dhe mbushim format me kremin e formuar. Shtojmë sipër çokollatë lot. Vendosim tepsinë në furrë në temperaturë 180 gradë Celsius, për 20-25 minuta.

Supë me thjerrëza

Përbërësit:

1 gotë thjerrëza të verdha

1 kokërr qepë

1 karrotë

1 copë rrënjë selinoje

2 thelpinj hudhra

1 patate

1 domate

2 lugë gjalp

Pak nenexhik

Limon

Kripë dhe piper i bardhë

Përgatitja:

Shpëlajmë mirë thjerrëzat dhe i lëmë mënjëanë.

Në një tenxhere të thellë kavardisim qepën në kubikë. Shtojmë karrotën të grirë hollë, rrënjën e selinosë, hudhrat, i kavardisim së bashku, shtojmë pataten e prerë hollë. Në një tenxhere më ujë ose me lëng mishi/pule, hedhim perimet dhe thjerrëzat. Vendosim brenda në tenxhere gjysmë limon të larë mirë dhe i lëmë të ziejnë në temperaturë mesatare për 20 minuta. Më pas i kalojmë në blender duke i kthyer në krem.

Në fund shkrijmë pak gjalp dhe shtojmë në të pak nenexhik. Servirim supën duhe shtuar pak gjalp në çdo pjatë.

 

D.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

'Dhimbje koke' për trajnerët, UEFA gati t'i vijë në ndihmë Sylvinhos për Europianin 2024

'Dhimbje koke' për trajnerët, UEFA gati t'i vijë në ndihmë Sylvinhos për Europianin 2024