Të gatuajmë me zonjën Vjollca/ Strudel me sfoljat dhe mollë dhe Burani me presh

Strudel me sfoljat dhe mollë 

Përbërësit:

1 petë sfoljat 
100 gr rrush i thatë 
2-3 mollë 
1/2 limon (lëngu) 
2 lugë gjelle sheqer 
50 gr arra 
1 lugë kafe kanellë 
1 lugë gjelle gjalp 
2 lugë gjelle galetë e grirë
Sheqer pluhur

Fillimisht vendosim rrushin e thatë në ujë për tu zbutur. Qërojmë mollët dhe i presim ato në kubikë, spërkasim mollët me lëngun e limonit. Shtojmë në tasin me mollë dhe dy lugë sheqer. Shtrydhim mirë rrushin e thatë dhe e shtojmë në tasin me mollë, shtojmë kanellën dhe i përziejmë të gjithë përbërësit e mbushjes që të marim aromën dhe shijen e njëra - tjetrës. Në një tigan shkrijmë një lugë gjelle gjalpë dhe kaurdisim dy lugë gjelle galet të grirë, vazhdojmë kaurdisjen derisa galeta të marë ngjyrë të verdhë. Hapim petën sfoliatë dhe e shtrojmë si bazë. Mbi të shtojmë mollët e përziera me rrush, kanellë dhe sheqer. E përhapim mirë në mes të petës, palosim petën nga të dyja anët dhe në dy pjesët anësore të saj dhe e transferojmë atë në tavë. E vendosim në furrën e parangrohur me temperaturë 190 gradë për 30 minuta. E nxjerim nga furra, e lëmë të ftohet dhe e pudrosim me sheqer pluhur. E presim dhe e servirëm.

Burani me presh

Përbërësit:

1.5 kg presh 
Vaj ulliri 
1 kokërr qepë 
250 gr mish i grirë 
1 lugë gjelle salcë
Kripë dhe piper i zi 
2 gjethe dafine 
3 lugë gjelle oriz

Në një tigan të thellë me vaj ulliri kaurdisim qepën e grirë hollë, shtojmë mishin e grirë dhe vazhdojmë kaurdisjen derisa mishi të ndryshojë ngjyrë. Shtojmë preshët të prerë pjerrtas me gjatësi 3cm, pasi preshët të ulin volumin e tyre shtojmë salcën e holluar me pak ujë, shtojmë kripën, piper të zi dhe dafinë. Shtojmë në fund ujë baraz me nivelin e preshëve pasi preshët do të nxjerin lëngun e tyre. E mbulojmë me kapak dhe e lemë të ziejë për 10 minuta. Shpërlajmë orizin dhe e shtojmë tek preshët, i mbulojmë përsëri dhe i lemë të ziejnë së bashku për 12 - 14 minuta. E shërbejmë të ngrohtë me bukë të thekur.

 

 

 

G.C/r.k./Shqiptarja.com
Komento