Të paraburgosurit takime vetëm me “ok” e prokurorisë! Ligj i ri në burgje, avokatët: Antikushtetues, do e ankimojmë

Kalimi nga rregullore e brendshme e burgjeve në ligj detyrimi që cdo takim që të paraburgosurit do kenë, të miratohet më parë nga prokurori, ka sjellë reagimin e shoqatës së avokatëve penalistë.

Por çfarë parashikon ligji 81/2021 tashmë në fuqi.

Nën nenin 49 të tij thuhet “. I burgosuri ka të drejtën e vizitës të paktën katër herë në muaj me anëtarët e familjes me kohëzgjatje të paktën 1 (një) orë. Kur organizimi i institucionit e lejon, i burgosuri mund të autorizohet të qëndrojë me familjarët përtej kufirit kohor të parashikuar. Vizitat zhvillohen në mjedise të veçanta nën mbikëqyrjen e personelit të institucionit, jo të dëgjimit, sipas rregullave të parashikuara në rregulloren e përgjithshme të burgjeve. Në rastin e të paraburgosurve merret miratimi paraprak me shkrim i prokurorit.

Në një reagim për ReportTv kreu i avokatëve penalistë Saimir Visha deklaron se do ta ankimojnë këtë ligj në Gjykatën Kushtetese pasi shkel të drejtat e njeriut.

'Nuk ka logjikë që familja e një të parbugorsuri të takojë prokurorin në mënyrë që të bëhet e mundur dhënia e pëlqimit që të lejohet takimi. Nuk ka lidhje prokurori se duhet të takopjë familjarët e parabugrosurit. I parabugrosuri dhe i dënuari janë një. Të dënuarit nuk kërkon vërtetim nga prokurori, ndërsa për të parabugosurit kërkohet një vërtetim shoqata avokatvëe penalisstë do t'i drejtohet Gjykatës Kushtetuese për të shfuqizuar pikërisht pargrafin e tretë të nenit 49 të këtij ligji. Çdo familjar mund të paraqësë certefikatën familjare që tregon farimitetin e tij, ose dhe lidhje shoqërore, pasi e vendos në fund fare vetë i parabugosuri në dhomat e paraburgimit nëse do ta takojë apo jo.'- tha Vishaj.

E pikërisht përcaktimi se të paraburgosurve u duhet më parë të marrin miratimin e prokurorit sipas avokatëve është antikushtetues, ndërsa ReportTv mëson se kjo praktikë e re po zbatohet në të gjitha burgjet dhe paraburgimet e vendit.

M.Q./KT/Shqiptarja.com

TAG:
• gjykata kushtetuese
• saimir vishaj