Të presësh një ditë për të shkarkuar një film, shteti me internetin më të ngadaltë në botë

Turkmenistani është shteti me internetin më të ngadaltë në botë, sipas një raporti të faqes “Cable.co.uk”. Qytetarëve të këtij shteti u duhet gati një ditë për të shkarkuar një film. Shpejtësia e internetit në Turkmenistan është vetëm 0.5 Mbps dhe për të shkarkuar një film prej 5 gigabyte zgjati 22 orë e 34 minuta.

Në Evropën Lindore, tre vende me shpejtësinë mesatare më të shpejtë të internetit ishin Hungaria (104.07 Mbps, e 10-ta), Rumania (67.40 Mbps, e 29-ta) dhe Sllovenia (67.20 Mbps, e 30-ta). Tre vendet më të ngadalta ishin vendet e Ballkanit, Maqedonia e Veriut (15.38 Mbps, e 107-ta), Shqipëria (19.36 Mbps, e 96-ta) dhe Kosova (22.21 Mbps, e 81-ta).

Nga të gjitha 224 vendet e anketuara raporti vlerësoi se internet shumë më të shpejtë kanë shtetet e zhvilluara të Evropës Perëndimore, shtetet skandinave, Shtetet e Bashkuara, Kanadaja, Japonia e Singapori.

TAG:
• interneti
• Turkmenistan