Ndjekje si nëpër filma që nga Korça! Thyhet postblloku në Elbasan, arrestohet autori i dehur që shkaktoi 5 të plagosur, mes tyre një polic (VIDEO)

Pasi u arrestua pas një ndjekje nga Korça në Elbasan, Adrilent Sheu 27-vjeç ka rrëfyer edhe versionin e tij para oficerëve të policisë duke thënë se shkak i largimit të tij me shpejtësi  ishte bërë pas siç pretendon 27-vjeçari po ndiqej nga një makinë.

Sipas tij një fuoristradë i ishte vënë nga pas që në Devoll duke e detyruar të largohej me shpejtësi dhe rrjedhimisht nuk i ndaloi postblloqeve të policisë.

Ndërkohë grupi hetimor është duke verifikuar këtë version të të riut i cili e ktheu në një zonë lufte rrugën në hyrje të qytetit të Elbasanit.

Policia e Elbasanit ka dhënë detaje të reja rreth ngjarjes së ndodhur ditën e sotme ku një person u arrestua pas një ndjekje që nga qyteti i Korçës.

Sipas policisë rreth orës 09:00,  njoftimi paraprak ka ardhur nga Korça duke njoftuar se makina Pasat i zi me targa Greke IEH 3922,  nuk i ka ndaluar shërbimeve të policisë në Korçë dhe Pogradec dhe është larguar me shpejtësi në drejtim të Elbasanit.

Menjëherë  në Librazhd është ngritur pikë kontrolli e përforcuar , por drejtuesi i mjeti sa ka parë policinë ka marrë përpara  bllokuesit e rrugës të vendosura për ndalimin e tij, duke rrezikuar jetën e punonjësve të policisë dhe ka vijuar me shpejtësi të madhe në drejtim të Elbasanit.

Shërbimet e Policisë së Librazhdit janë vënë në ndjekje të mjetit deri në Elbasan duke mbajtur komunikim me shërbimet  policisë në Elbasan.

Për kapjen e tij janë angazhuar edhe Forcat Shqiponja, ato të Patrullave të Përgjithshme dhe të Qarkullimit Rrugor, në hyrje të qytetit Elbasan  në aksin rrugor Librazhd -Elbasan, kanë ngritur pikë kontrolli duke bllokuar rrugën,.

Por edhe këtu Ardilent Shehu ka tentuar të largohet duke goditur makinën e policisë dhe dy mjete të tjera. Si pasojë është plagosur jashtë rrezikut për jetën një punonjës policie dhe 4 të tjerë .

Ardilent Shehu 27 vjec , banues në Gjirokastër është shoqëruar në Polici për veprime të mëtejshme.

Ky person sipas policisë edhe  në vitin 2018 , ka kryer të njëjtat veprime duke mos ju bindur urdhërit  të punonjësit  të policisë për të ndaluar. Nga kontrolli i mjetit nuk u gjetën armë apo lëndë narkotike por vetëm disa targa atuomjetesh.

Ndërkohë policia thekson se nuk ka pasur asnjë të shtënë me armë zjarri gjatë ndalimit të automjetit.

Detaje të reja kanë dalë në skenë nga ngjarja e rëndë e ndodhur në Elbasan, ku të paktën 5 persona kanë mbetur të plagosur pasi një i dyshuar duke i ikur policisë ka përplasur postbllokun e ngritur në aksin Librazhd-Elbasan.

Gazetari i Shqiptarja.com, Elton Qyno bën të ditur se shoferi i pabindur është Ardilent Sheu nga Gjirokastra,   ndaj të cilit policia është vënë në ndjekje që nga qyteti i Elbasanit Sheu ishte i kërkuar për veprën penale kultivim dhe shitje të lëndëve narkotike ndërsa gjatë ndjekjes ai ka mundur tu shpëtojë tre postblloqeve. Por në Elbasan duke mos patur rrugëdalje ai ka marrë para postbllokun e policisë. Pasi ka çarë mes për mes postbllokun autori i arrestuar ka përplasur edhe dy makina të tjera duke shkaktuar 5 të plagosur.

Mes të plagosurve është edhe një efektiv policie, Eugen Abdurrazaku, ndërsa të plagosurit e tjerë janë Diana Plaku, Durim Plaku, Albert Cani dhe Adriana Mukja.

Pas aksidentit policia ka arrestuar autorin i cili mbeti edhe vetë i plagosur.  Ndërkohë ai është shoqëruar nga policia për një mjekim në spital ndërsa më pas është marrë për në komisariat
 

Ardilent Sheu

Ardilent Shehu është i arrestuari i cili shkaktoi aksidentin mëngjesin e kësaj të marte në aksin Elbasan-Librazhd. Burime për Report Tv bëjnë me dije, se policia është vënë në ndjekje të tij që nga Korça por ai nuk është ndaluar. Në Elbasan ishte ngritur një postbllok për ndalimin e tij, por sapo ka parë policinë, Ardilen Shehu i ka dhënë edhe më shumë gaz makinës së tij tip 'Passat' duke u përplasur edhe me dy makina të tjera njëra prej tyre një autoshkollë. Ndërkohë vetë makina e autorit ka përfunduar me rrota në ajër. Në këtë moment policia ka bërë të mundur edhe arrestimin e tij ndërkohë që po punohet për të zbardhur të plota rrethanat e ngjarje.