Vlorë/ Ekzekutohet 31-vjeçari, u arrestua dhe u lirua 2 herë! Hetimet për larje hesapesh të drogës dhe përplasjen e frikshme me armë të ndodhur në 2018

Viktima Tauland Beqiraj

Detaje të reja janë zbardhur nga ekzekutimi i 31-vjeçarit Tauland Beqiraj në mes të Vlorës. Kanë qenë 3 persona të përfshirë, ku dy prej tyre dalin dhe e ndalojnë në rrugë dhe një tretë i i priste për t'i larguar me makinë pas ekzekutimit.

Viktima Tauland Beqiraj ishte duke ecur në këmbë në rrugën "Transballkanike" pranë Gjykatës së Apelit ku ndalohet nga dy persona i afrohen. Sipas dëshmitarëve në vendin e ngjarjes ata qëndrojnë duke folur për pak sekonda dhe me pas njëri prej dy autorëve e ka qëllua me breshëri kallashnikovi duke e lënë të shtrirë në tokë. 31-vjeçari humbi jetën në spital pak minuta më vonë. Dy autorët ishin të pamaskuar dhe të veshur me të zeza, të cilët pas ekzekutimit largohen me shpejtësi drejt makinës tip "Ford", ku i priste një bashkëpunëtor i tretë.

Për vrasjen e Tauland Beqiraj në mes të Vlorës, policia ka arrestuar në kohë rekord një nga autorët Hans Andi Jonuzi, 44 vjeç, banues në Vlorë, ndërsa ka shpallur në kërkim bashkëpunëtorin e tij.

Gjithashtu, policia ka sekuestruar në cilësinë e provës materiale automjetin tip “Ford” me targa AA 403 PX me të cilin autori tentoi të largohej, si dhe një armë zjarri kallashnikov më të cilën vrau 31-vjeçarin Beqiraj. Kallashnikovi u gjet në sendiljen e pasme të mjetit tip 'Ford' që përdorte 44-vjeçari Jonuzi.

Arma e sekuestruar

Tauland Beqiraj u vra ditën e sotme në mes të Vlorës. Ai është një person me precedentë të mëparshëm penal për armëmbajtje pa leje dhe vrasje e mbetur në tentativë, ndërsa burime për Report Tv bëjnë të ditur se dy janë pistat që po hetohet, ajo e larjes së hesapeve për prishje pazaresh të drogës mes grupeve në Norvegji dhe pista e dytë ishte përplasje me armë e ndodhur po në Vlorë në 2018.

Si ndodhi përplasja në qershor të 2018? Tauland Beqiraj u kap nga policia e Vlorës duke udhëtuar në një automjet i armatosur dhe pse ishte nën masën e sigurisë arrest në shtëpi, pasi u përfshi në një përplasje mes bandave në Vlorë. Në përplasje u përfshinë dy grupe kriminale me nga 4 persona, të cilët qëlluan nga makina në makinë me armë zjarri, duke lënë të plagosur 3 persona. Far ëesti mes bandave mund të ishte kthyer në tragjedi, pasi grupet sulmuan njëri tjetrin në mes të rrugës e dritës së diellit, dhe në rrezen ku shkëmbehej zjarri kalon një qytetar i rastit, i cili mund të ishte viktima.

Policia ka ndaluar autorin e dyshuar të vrasjes së 31-vjeçarit Tauland Beqiraj (Manaj, Gjikaj). Burime për Report Tv bëjnë me dije se autori i dyshuar është Hans (Andi) Jonuzi dhe është ndaluar nga blutë e Vlorës. Autori i dyshuar për ekzekutimin e të riut u kap në rrugën që të çon drejt Pyllit të Sodës.

Taulant Gjikaj (Beqiraj), 31-vjeçari i cili është ekzekutuar sot teksa po ecte në trotuar në Vlorë nuk është një emër i panjohur për autoritetet ligjzbatuese. Beqiraj ka qenë protagonist në një ngjarje të rëndë të ndodhur në datë 27 shkurt 2018 në qytetin e Vlorës. 8 të rinj me pistoleta dhe kallashnikov janë përplasur me armë dhe kanë qëlluar ndaj njeri-tjetrit me armë zjarri. Nga shkëmbimi i zjarrit nga dy bandat mbetën 3 persona të plagosur.  ​E gjithë ngjarja ndodhi në kulmin e lëvizjeve.

REPORT TV siguroi ato kohë pamjet ekskluzive të përplasjes me armë zjarri ku u përfshinë dy grupe kriminale me katër makina.

Fillimisht është një makinë tip Mercedes-Benz S-Class, e cila bllokon rrugën dhe më pas vjen “Fiat Punto’ duke u  bllokuar në rrugë. Pas ‘ Fiatit’ vjen një makinë tjetër tip “Benz ML” e cila ndalon menjëherë pas tij. Në këto momente dalin personat nga “ML”-ja dhe drejtohen për tek makina tip “Fiat” ku ndodheshin tre persona, Elis Llanaj, Taulant Beqiraj dhe një tjetër. Në këto momente, makina tip ‘Fiat’ tenton të largohet duke u përplasur me ‘Benz”-in. Personat e dalë nga “ML” Gazmir Canaj me dy persona të tjerë hapin derën e “Fiatit” dhe fillimisht njëri nga personat që kishte kallashnikovin në dorë qëllon me pjesën e pasme pasagjerin e “Fiatit”.

Më pas fillon shkëmbimi i zjarrit nga brenda makinës “Fiat”, në atë moment pala tjetër që ishte drejtuar nga ana e shoferit ka qëlluar në drejtim të tij. Sapo ka filluar shkëmbimi i zjarrit është afruar edhe një person tjetër nga makina e parë “Mercedes-Benz S-Class” e cila kishte bllokuar rrugën. Ai ka shkuar për t’i ardhur në ndihmë grupit që kishte organizuar pritën duke qëlluar me armë. Pasi ka përfunduar aksioni nga ana e personave të dalë nga “ML” tërhiqen dhe njëri nga ata mbush kallashin dhe qëllon në drejtim të pasagjerit të tretë, që ndodhen në pjesën e pasme të “Fiatit”. Në rrezen ku shkëmbehej zjarri kalon një qytetar i rastit, i cili mund të ishte viktima.

Sapo mbaron shkëmbimi i zjarrit e gjithë në rreth 60 sekonda, shoferi i makinës “Fiat” që ishte shtrirë në tokë ngrihet dhe drejtohet për në pjesën e kishës për t’u larguar. Në atë moment vjen shoferi i makinës tip “Golf” dhe merr makinën duke tentuar të largohet nga vendi i ngjarjes. Të plagosurit, Taulant Beqiraj me Eris Llanajn nga njëri grup dhe Gazmir Canaj nga grupi tjetër u dërguan në spital, ndërsa në kërkim janë shpallur dy persona të tjerë E.M. dhe P.A. që ishin në makinën tip Mercedes-Benz S-Class. Në vendin e ngjarjes u gjetën 12 gëzhoja kallashi dhe pistolete, ndërsa vijojnë hetimet për të zbardhur arsyet e përplasjes me armë të bandave.

Viktima Tauland Beqiraj

Tauland Beqiraj (Gjikaj, Manaj) është viktima me tre mbiemra e atentatit të sotëm të ndodhur në Vlorë. Burime për Report bëjnë me dije se 31-vjeçari lëvizte i armatosur dhe iu gjet pistoletë në brez. Taulant Beqiraj ishte djali i një ish-punonjësi të policisë dhe ishte me të shkuar kriminale. 

Taulant Gjika, është viktima e atentatit të ndodhur pak më parë në Vlorë.

Arrestohet autori që ka vrarë me breshëri kallashnikovi një person pak më parë në Vlorë. Ai është identifikuar nga dëshmitarët.