Tërmet i fuqishëm në Afganistan, 1000 të vdekur dhe 1500 të plagosur

Një tërmet i fuqishëm me magnitudë 6.1 të shkallës Rihter rreth orës 1:24 të mëngjesit rreth 46 kilometra në jugperëndim të qytetit të Khost. Për pasojë kanë mbetur të vrarë të paktën 1000 persona dhe janë plagosur 1500 të tjerë, raporton BBC.

Thellësia e tërmetit ishte 10 km. Ndërkohë lëkundjet u ndjenë edhe në Pakistan e Indi, raportoi Qendra Sizmologjike Mesdhetare Evropiane. Tërmeti u ndje edhe në kryeqytetin e Afganistanit, Kabul si dhe në kryeqytetin e Pakistanit, Islamabad. Fotot e shpërndara në mediat sociale tregonin njerëz në barela, rrënoja dhe shtëpi të rrënuara në provincën Paktika. 

"Fatkeqësisht, pati një tërmet të fortë në katër rrethe të provincës Paktika, i cili vrau dhe plagosi qindra bashkatdhetarë tanë dhe shkatërroi dhjetëra shtëpi. Ne u bëjmë të gjitha agjencive të ndihmës që të dërgojnë ekipe në zonë menjëherë për të parandaluar katastrofën e mëtejshme" shkroi në Twitter zëdhënësi i qeverisë, Bilal Karimi.

Afganistani është i prirur ndaj tërmeteve, pasi ndodhet në një rajon tektonikisht aktiv. Gjatë dekadës së fundit më shumë se 7,000 njerëz janë vrarë nga tërmetet në Afganistan, raporton Zyra e OKB-së për Koordinimin e Çështjeve Humanitare.

 

Rendit zhvillimet sipas orarit:
Ora 11:59
Shkon në 920 numri i viktimave nga tërmeti i fuqishëm në Afganistan

1655876456_FV1Bd8caAAAHsgK.jpg

Numri i viktimave nga tërmeti me magnitudë 6.1 të shkallës Rihter në Afganistan ka shkuar në 920. Këtë e tha zëvendësministri për menaxhimin e fatkeqësive, Sharafuddin Muslim duke shtuar se 600 të tjerë kanë mbetur të plagosur.

Ora 08:48
Tërmeti i fuqishëm në Afganistan, momenti kur mbërrin helikopteri për të marrë të plagosurit (VIDEO)

 

Pas tërmetit të fuqishëm në Afganistan, ekipet e kërkim-shpëtimit kanë dalë menjëherë në terren për t'i dhënë ndihmën e parë njerëzve të plagosur. Në pamje duket se mbërrijnë me helikopter dhe marrin disa të lënduar për t'i çuar drejt spitalit ku do të marrin ndihmën e parë mjekësore.

A.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Ndarja e re territoriale, sipas jush duhet të ketë më shumë apo më pak se 61 bashki?



×

Lajmi i fundit

John

U prezantuan se ishin nënë e bir dhe gënjyen se kishin bërë aksidenti, kapen 2 personat e shpallur në kërkim, mashtruan 72-vjeçarin dhe i morën 500 mijë lekë në Shkodër