POP 5

Lajmet më të lexuara të 5 minutave të fundit

Ekonomi

Tërmeti gjunjëzon ekonominë, rënie 0.15% në tremujorin e 4! Ndërtimi në pikiatë, bie me 15%

Tremujori i katërt i vitit të kaluar ka shënuar një pikë kthese në ecurinë deri tani pozitive të ekonomisë shqiptare. Sipas INSTAT në tetor-dhjetor prodhimi vendas ishte 0.15% më i ulët se një vit më parë, dukshëm për shkak të tërmetit. Ndërtimi në rënie 15%, por industria nxjerrëse +12%.

Rritja ekonomike në tremujorin e tretë të vitit të kaluar ka shënuar një shifër negative. Sipas statistikave zyrtare të INSTAT-it, ekonomia shqiptare ka shënuar një tkurrje të lehtë prej 0.15 përqindësh në periudhën tetor-dhjetor 2019, duke pasqyruar dukshëm efektin e tërmetit të nëntorit.

Në këtë mënyrë, rritja vjetore e Prodhimit të Brendshëm Bruto rezulton 2.2%, nga 4% në 2018-n, duke qenë kështu tendenca më e ulët që nga viti 2014.

Në këtë tremujor, aktiviteti i Bujqësisë, Pyjeve dhe Peshkimit pati një rënie me 1,59 %. aktiviteti i Industrisë, Energjisë dhe Ujit pati një rritje me 8,83 %. Ndikimin kryesor në këtë rritje e ka dhënë Industria nxjerrëse e cila ka shënuar një rritje me 11,69 %.

Aktiviteti i Ndërtimit pati një rënie me 14,77 %. Grupi i aktiviteteve Tregti,Transport, Akomodim dhe Shërbim ushqimor pati një rritje prej 2,48 %. Grupi i aktiviteteve Informacioni dhe Komunikacioni u shfaq me rënie prej 0,07 %. Aktiviteti Financiar dhe i Sigurimit ka shënuar një rritje prej 9,84 %. Aktiviteti i Pasurive të Paluajtshme ka shënuar një rritje prej 6,67 %. Grupi i Aktiviteteve profesionale dhe Shërbime administrative u shfaq me një rënie prej 6.45 %.

Sipas INSTAT, Konsumi final i popullatës, i cili përbën peshën kryesore të shpenzimeve në ekonomi u rrit me 1,64 %. Eksportet e mallrave dhe shërbimeve u rritën me 9,85 %, ndërsa Importet e mallrave dhe shërbimeve u ulën me 0,77 %.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Erdogan: Izraeli do të paguajë çmimin për shtypjen e palestinezëve! E domosdoshme krijimi i shtetit të Palestinës

Erdogan: Izraeli do të paguajë çmimin për shtypjen e palestinezëve! E domosdoshme krijimi i shtetit të Palestinës

20 Prill, 17:47