'Thrilleri' me 5 gola, Tirana fiton Superkupën në limite kundër Vllaznisë! Shkruan historinë me gërma të arta (VIDEO)

Një finale spektakolare e denjë për Superkupën rezultoi ajo mes Tiranës dhe Vllaznisë. Festivalin me 5 gola në fund e gëzuan bardheblutë, që mposhtën 3-2 shkodranët në ‘Air Albania’.

Për të parë golin e parë u desh pak, me Malën që çoi peshë zemrat e tifozëve të Vllaznisë. Gjithsesi brenda pjesës së parë Tirana barazoi me Patrick, i cili realizoi golin më spektakolar të viteve të fundit në futbollin shqiptar.

Sapo nisi pjesa e dytë bardheblutë bënë përmbysjen me Hasanin, mirëpo fitorja nuk do ishte aq e thjeshtë. Kjo sepse në minutën e 86 Latifi riktheu baraspeshën, duke dhënë idenë se Superkupa do shkonte në shtesë. Gjithsesi i këtij mendimi nuk do ishte Redon Xhixha, i cili falë edhe reagimit të dobët të portierit të Vllaznisë, vulosi këtë sfidë dhe bëri që të shpërthente në festë Tirana.

Kjo ishte hera e 12 që Tirana triumfon në Superkupën e Shqipërisë, më shumë se asnjë skuadër tjetër. Ndjekësja më e afërt është Skënderbeu me 4 trofe.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet