Tirana me plan veprimi për ndotjen akustike, drejtoresha Mile: 70% e zhurmave në kryeqytet vjen nga trafiku i makinave! Psikologia Jonuzi: Nisma shumë e mirë

Në blloqet e banimit në kryeqytet nuk do të jepen më leje zhvillimi aktivitetesh që gjenerojnë zhurmë, përfshirë edhe lavazhet, apo serviset e makinave, të cilat do të zhvendosen, si në çdo qytet perëndimor, larg zonave të banuara. Bashkia e Tiranës do të jetë bashkia e parë që do të disiplinojë dhënien e lejeve të tipit C për subjekte të tilla, por gjithashtu do të menaxhojë edhe zhurmat e trafikut dhe do krijojë një hartë të zonave të gjelbra akustike.

Diana Mile, drejtoreshë e Mjedisit në Bashkinë e Tiranës e ftuar në emisionin ‘Studio Live’ në Report Tv tha se ndotja më e madhe akustike në kryeqytet shkaktohet nga trafiku i makinave si dhe kantieret e ndërtimit pranë zonave të banuara. Duke folur për planin e veprimit të bashkisë në kryeqytet, për ndotjen akustike, Mile tha se kanë përfunduar dëgjesat publike, dhe pas miratimit në Këshillin bashkiak për të bashkërenduar veprimet.

‘Ne tani kemi përfunduar dëgjesat publike, kemi një draft, do fillojë me miratimin nga Këshillin bashkiak për të bashkërenduar veprimet. Për të krijuar një metode sesi do të ulim zhurmat. Kjo do të shoqërohet edhe një sensibilizim të shoqërisë dhe bizneseve. Pjesa e banorëve e komunitetit e ka mirëpritur. Ato duhet të jenë të informuar. Ka një mbingarkesë, vendin e parë e zë zhurma nga trafiku. Trafiku është mbi 60-70% ai që shkakton ndotjen akustike në kryeqytet. Janë kantierët e ndërtimit, janë bizneset, të cilat krijojnë zhurmë, furra buke, lavazhe, mobileri. Kthehen në një burim zhurme të vazhdueshme pasi nuk respektojnë oraret ose vendndodhja e tyre është e gabuar. Bashkia do të jetë rregullator i orarit se kur do të punojnë dhe vendndodhjes. Gjëja më e mirë që do të bëjmë do të jetë zonifikimi. Do të ketë penalitete për qytetarët që shkaktojnë ndotje akustike.’- tha Mile.

Nga tjetër, psikologia Aljona Jonuzi, u shpreh se kjo është një nismë shumë e mirë, pasi ndotja akustike ndikon shumë keq tek qytetarët.

‘Është një nismë shumë e mirë, ishte koha e duhur për të ndodhur, besoj se Tirana vuante prej vitesh me këtë problematike. Janë shumë faktorë që ndikojnë dhe qytetarët ndihen keq, ankohen. Në momentin që përballemi më zhurma të ndryshme na nxjerr nga kjo pjesa e relaksit në shtëpinë tonë. Ndonjëherë shtëpia bëhet edhe ferr nga këto zhurma orar pa orar. ‘- tha Jonuzi.

Objekt i këtij plani të veprimit janë: aktivitetet e shërbimit social dhe kulturor, si: klube nate, bare, restorante, disko; sektori i transportit rrugor, ajror, ujor dhe hekurudhor; si dhe aktivitetet ekonomike që përdorin pajisje dhe makineri që gjenerojnë zhurma, si sharra, elektromotorë, gjeneratorë, çekiçë pneumatikë, etj.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • pasticeri: 28/12/2021 12:32

    Si mund te behet kjo pune keshtu . Une qe kam furre buke dhe lokal kam sherbime dhe punoj 24/7 . Pse vetem sepse mbi mua banon nje familje ska pse ta mbyll bisnesin ... Familja siper mos te blinte katin e pare te nderteses sepse une kam te drejten time per te punuar . Nuk mund te penalizohen lokalet se kane muzike ... Nuk duhet te penalizohen pasticerite sepse kryejne proceset normale te punese se tyre . kjo eshte fatkeqesei ku nuk i sigurohern biznesit normaliteti per kryer punen e tyre te licensuar nga Qkr

    Përgjigju
  • Admir: 09/12/2021 14:46

    bëj metronë në tiranë të shtunë të diel detyro bizneset të mbyllen vetëm supermarketet ndalo betonieret të qarkullojnë ditën blloko patentat dhe lejet e drejtimit të të gjithë marmitsportivat zhvendose tregun e medresesë tek bregu lumit dhe ke bërë 70përqind të punës

    Përgjigju
  • Lola: 09/12/2021 03:44

    Sa me shkriu kjo zoja. Nuk ka me leje ne kryeqytet thote per zhurma. Zona me e afert tani eshte ne Diber se edhe Dajti eshte full me ndertime. Si thote, trafiku ben me shume zhurme. Ne 1988 Suedia e zgjidhi kete pune me asfalt te gomuar. Kane 30 vjet qe manaxhojne bashkine dhe sot u ngrihet mendja per plane antizhurme. Keshtu i fillojne PPP keta. I vdisni keto zhvatjet ne emer te mjedisit. Po psh ndonje kerkese pee izolim me te mire te godinave, dritareve apo varja.

    Përgjigju
  • Qen mbajtesi: 08/12/2021 21:15

    Ndotja akustike ne Tirane vjen nga manjaket qe mbajne qen ne pallate, qe rrjedhimisht edhe i dhunojne duke i izoluar dhe nga garazhet qe i kane kthyer ne punishte dhe servise makinash neper te gjitha lagjet.

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Ekskluzive/ 26 vite Ipeshkv i Shkodrës, Massafra rrëfen për Report Tv arsyet e dorëheqjes! Mesazhet të rinjve: Përpjekjet për t’u pasuruar shpejt, u rrezikojnë jetën

Ekskluzive/ 26 vite Ipeshkv i Shkodrës, Massafra rrëfen për Report Tv arsyet e dorëheqjes! Mesazhet të rinjve: Përpjekjet për t’u pasuruar shpejt, u rrezikojnë jetën