Përplasje rreth 'Air Albania', 25 të shoqëruar! VIDEO ekskluzive, momenti kur tifozët boshnjakë përleshen me policinë, një efektiv i plagosur

Përplasje mes tifozëve në ambientet e jashtme të stadiumit ‘Air Albania’, pas ndeshjes së Tiranës me për Conference League përballë Zrinjski Mostar. Mësohet se shkak i përplasjes janë bërë tifozët boshnjakë.

Pas përfundimit të ndeshjes në stadiumin ‘Air Albania’, tifozët boshnjakë janë konfrontuar me policinë.

Një efektiv ka mbetur i plagosur pas përleshjes së tifozëve boshnjakë me policinë jashtë stadiumit ‘Air Albania’.

Shoqërohen disa tifozë boshnjakë pas ndeshjes së Tiranës përballë Zrinjski Mostar. Pas përplasjes mes tifozëve, ka ndërhyrë policia por nuk ka ndaluar dot përshkallëzimin e ngjarjes derisa nisi shoqërimin e tifozëve. Nga përleshja janë plagosur edhe disa efektivë policie ndërsa ka mbërritur ambulanca për t'i dhënë ndihmën e parë. 

Report Tv ka siguruar pamjet e tifozëve boshnjakë që janë përplasur me policinë jashtë ambienteve të stadiumit ‘Air Albania’.

Pasi u përplasën me policinë, Report Tv sjell një video të tifozëve boshnjakë të cilët i thonë policisë ‘Të lutem mjaft’.

Pavarësisht se morën fitoren, tifozët boshnjakë janë përplasur me tifozët bardheblu ndërsa më pas kanë ndërhyrë forcat blu për të ndaluar përshkallëzimin e ngjarjes. Por tifozët boshnjakë nuk kanë hezituan të godisnin me karrige dhe shishe uji që i kanë lëshuar ndaj uniformave të policisë, disa prej të cilëve mbetën të plagosur.   

Tifozët boshnjakë janë përplasur me ata të Tiranës, ndërkohë që ka pasur edhe ndërhyrje nga policia. Tifozët boshnjakë janë përplasur edhe me efektivët. Report Tv sjell video të një tifozi të plagosur, i cili është shtrirë në tokë.

Policia i ka shpërndarë tifozët të cilët u përleshen jashtë stadiumit ‘Air Albania’ me gaz lotsjellës.

Policia ka dhënë detaje nga përplasja e tifozëve boshnjakë me efektivët. Policia thotë se janë shoqëruar 25 tifozë boshnjakë, pasi kanë kundërshtuar me forcë policët. Policia thotë se i kanë kundërshtuar pasi efektivët kanë tentuar të shoqërojnë disa prej tifozëve boshnjakë të cilët kishin hedhur në fushën e ndeshjes sende të forta dhe lëndë piroteknike.

“Më datë 19.07.2022, në stadiumin "Air Albania", pas përfundimit të ndeshjes  Tirana-HSK Zrinjeski Mostar i Bosnje Hercegovinës, gjatë daljes së tifozëve, shërbimet e Policisë kanë ndërhyrë për të shoqëruar disa tifozë  të ekipit të Bosnje Hercegovinës, të cilët gjatë zhvillimit të ndeshjes kanë hedhur sende të forta dhe lëndë piroteknike. Gjatë momentit të shoqërimit të tyre, pjesa tjetër e tifozëve të këtij ekipi, ka kundështruar me forcë dhe me sende të forta punonjësit e Policisë, për të mos lejuar shoqërimin e tyre.

Shërbimet e Policisë, për të neutralizuar aktet e dhunshme të tifozëve, kanë përdorur gaz lotsjellës për t'i shpërndarë ata. Si pasojë e akteve të dhunës nga ana e tifozëve, është dëmtuar një punonjës Policie si dhe një tifoz, të cilët ndodhen në spital, nën kujdesin e mjekëve, jashtë rrezikut për jetën. Nga shërbimet e Policisë deri tani janë shoqëruar 25 tifozë. Sqarojmë opinionin publik që nuk ka pasur të shtëna me armë dhe vijon puna për shoqërimin e personave të tjerë të përfshirë në akte të dhunshme ndaj punonjësve të Policisë. Grupi hetimor nën drejtimin e Prokurorisë vijon punën për dokumentimin e plotë të rrethanave të ngjarjes”, njofton policia.