TIRANË- 55-vjeçari Qani Zili po transportonte një sasi të konsiderueshme parash nga një exchange, kur dy persona iu afruan dhe fillimisht e goditën. Më pas, morën çantën me para dhe u larguan në drejtim të paditur në këmbë.
Report TV ka siguruar pamjet e momenteve kur grabitësi largohet pasi ka marrë shumën e parave. I riu që është i maskuar lëviz me shpejtësi, në këmbë, pasi është përplasur me një makinë në rrugë dhe ka lënë motorin me të cilin lëvizte.
Dy grabitësit po e prisnin në afërsi të një pike karburanti, në fillim të Rrugës së Kavajës. Dyshohet se kishin informacion të detajuar se aty do të kalonte një punonjës i një pike këmbimi valutor me shuma parash. Sapo motori i 55-vjeçarit Qani Zili mori kthesën në të djathtë dhe kaloi karburantin, dy grabitësit u afruan dhe filluan t’a godasin me sqepar. Për fat të mirë, Zili ishte me kaskë në kokë dhe nuk pësoi dëme. Të dy grabitësit ishin të maskuar, njëri prej tyre i mori çantën me para dhe u nisën, njëri në këmbë dhe i dyti me motor, me synimin për t’u bashkuar tek vizat e bardha në Rrugën e Kavajës. Por, plani nuk funksionoi. Në tentativë për t’u larguar, mes përmes pikës së karburantit, sapo doli në rrugë, motori u përplas me një automjet tip Mercedez Benz. Përplasja detyroi grabitësin të largohet në këmbë, bashkë me mikun e tij dhe paratë, në drejtim të “21 Dhjetorit”, pikë nga ku kanë humbur çdo gjurmë.
Policia mori në pyetje 55-vjeçarin, ndërsa në deklarimet e tij ai është shprehur se nuk kishte dijeni sa para kishte me vete. Nga ana tjetër pronari i pikës së këmbimit valutor u tha hetuesve se ishin rreth 3 milionë lekë të vjetra.
Policia ka sekuestruar pamjet e kamerave të sigurisë në vendin e ngjarjes, përmes së cilave synon të shkoj deri tek autorët. Kamera sigurie janë sekuestruar edhe në biznese të tjera në drejtim të “21 Dhjetorit”.
Report Tv, ka siguruar videon ku njëri nga autorët e grabitjes që ndodhi ditën e sotme në rrugën e Kavajës në kryeqytet, shfaqet duke vrapuar i maskuar dhe me çantën me lekë në dorë.
Të dy grabitësit ishin të maskuar, njëri prej tyre i mori çantën me para dhe u nisën, njëri në këmbë dhe i dyti me motor, me synimin për t’u bashkuar tek vizat e bardha në Rrugën e Kavajës. Por, plani nuk funksionoi. Në tentativë për t’u larguar, mes përmes pikës së karburantit, sapo doli në rrugë, motorri u përplas me një automjet tip Mercedez Benz.
Përplasja detyroi grabitësin të largohet në këmbë, bashkë me mikun e tij dhe paratë, në drejtim të “21 Dhjetorit”, pikë nga ku kanë humbur çdo gjurmë.
Detaje të reja në kanë dalë në dritë nga grabitja te rruga e Kavajës. Mësohet se autorët kanë arritur që të marrin një sasi prej 300 mijë lekë, por që ende nuk është zyrtare. Nga ana tjetër, referuar dëshmisë së të grabiturit, Qani Zili, autorët e kanë kërcënuar me sqepar.
"Më zunë rrugën dy persona me motorr, më qëlluan me sqepar dhe më morën çantën. Se sa lekë kishte në çantë nuk e di, unë vetëm i transportoja", mësohet të ketë thënë ai.
Komente
Lajme të tjera
-
Krujë/ Kishte mbjellë 45 fidanë kanabis pranë banesës, arrestohet 51-vjeçari
20 Prill, 13:17 -
Tiranë, arrestohet 40-vjeçari i shpallur në kërkim, Apeli e kishte dënuar me 3 vite burgim për shitje narkotikësh (EMRI)
20 Prill, 10:53 -
I dehur në timon, arrestohet efektivi i policisë në Rrogozhinë
19 Prill, 21:45 -
Bllokimi i aksioneve dhe dalja në ankand, KF Tirana: Dezinformim i qëllimshëm, synon tjetërsimin e aseteve të klubit
19 Prill, 21:25 -
KF Tirana në ankand prej borxheve, Eduard Prodani: Aksionet t'i kthehen bashkisë së kryeqytetit, futbolli shqiptar në batak
19 Prill, 20:23 -
Orges Shehi: S'më tremb asnjë rival, Partizani do shpallet kampion
19 Prill, 17:51 -
Lindi 1750 gramë, Raina e vogël fiton betejën për jetën në maternitetin 'Mbretëresha Geraldinë'
19 Prill, 16:45 -
Tiranë/ Aksident pranë Rinasit, trajleri përplaset me një makinë! 1 i plagosur
19 Prill, 15:58 -
SHBA, Britania dhe BE dënojnë dhunën e Rithemelimit dhe PL para Bashkisë së Tiranës: Akte të tilla s'kanë lidhje me protestën
19 Prill, 13:47 -
Rithemelimi e Partia e Lirisë protestë e zjarr para bashkisë së Tiranës! Hedhin molotovë, gurë e vezë! Flamur Noka e Tedi Blushi prijnë aktet e dhunës
19 Prill, 11:32 -
Muzikë, DJ dhe ekspozitë me motorët ‘Vespa’, 3 ditë magjike te Pazari i Ri në Tiranë
19 Prill, 11:26 -
Kavajë, goditi bashkëshorten me automjet në 2022, arrestohet 50-vjeçari i shpallur në kërkim (EMRI)
19 Prill, 11:13
Transportuesit e parave duhet te mbajne gjithmone arme me vete,kurse policia duhet te gjeje kush eshte pronari i motorit.
Përgjigju