Tiranë, i përndjekuri që alarmoi
policinë zbret nga vinçi pas një ore

TIRANE - Një ish-i përndjekur vuri në alarm policinë e kryeqytetit pasi për një orë qëndroi në majë të një vinçi në një lartësi të konsiderueshme. Vinçi ndodhej në një pallat në ndërtim e sipër pranë Gjykatës së Lartë, ndërsa Xhemal Zhuri vazhdimisht bënte veprime që cënonin sigurinë e tij.

Policia rrethoi zonën ndërsa disa efektivë u ngjitën në katet e larta të pallatit për të negociuar me Zhurin. Pas një orë mbi vinç, ish- i perndjekuri vendosi te zbrese vete pa ndihmën e policisë. Fati mesa duket eshte me 55-vjeçarin, pasi zbritja nga ajo lartesi dhe ne erresire te plote ishte e veshtire dhe mjaftonte nje rreshitje e kembes per tu kthyer ne tragjedi.

Shqiptarja.com meson se ish-i perndjekuri eshte shprehur se do te zbriste vetem nese do te takohej me Altin Qaton, zevendesdrejtorin e Pergjithshem te Policise se Shtetit.

Ka kryer 13 vite burg në Qafë Bari dhe në Spaç, ai eshte baba i tre femijeve dhe i papune.


(Në foto Xhemal Zhuri)

Nuk është hera e parë që Xhemal Zhuri kërcënon vetëvrasjen. Edhe në vitin 2012 ish-i përndjekuri ka tentuar t'i japë fund jetës në të njëjtën mënyrë, duke tentuar vetëhedhjen nga një vinç.

Para tre vjetësh Zhuri hipi në lartësinë e një vinçi të një pallati në qendër të Tiranës, por negociatat me policinë rezultuan të frytshme dhe ai mundi të zbresë pa asnjë dëmtim.









(Në foto Xhemal Zhuri pasi ka zbritur nga vinçi)


Redaksia Online
(Gre.M/Shqiptarja.com)