POP 5

Lajmet më të lexuara të 5 minutave të fundit

Kronikë

Tiranë/ Përndiqte të miturën, arrestohet 19-vjeçari nga Finlanda, e njohu në rrjetet sociale! Pesë të arrestuar për dhunë në familje, përndjekje dhe thyerje mase

 Specialistët për Hetimin e Krimeve në Komisariatin e Policisë Nr. 1, prangosën të dyshuarin F. M., 19 vjeç, banues në Finlandë, pasi u denoncua nga vajza se e përndiqte dhe ndihej e rrezikuar. Tre ndalime të tjera dhunë ndaj grave dhe babait, një për përndjekje dhe i fundit për thyerjen e masës "arrest shtëpie" të Gjykatës

Tiranë/ Përndiqte të miturën, arrestohet 19-vjeçari nga Finlanda, e njohu në rrjetet sociale! Pesë të arrestuar për dhunë në familje, përndjekje dhe thyerje mase

Policia e Tiranës pas një aksioni

Tiranë- Një 19-vjeçar nga Finlanda është arrestuar nga Policia e Tiranës nën akuzën e përndjekjes së një të miture, me të cilën ishte njohur në rrjetet sociale.

Burime zyrtare konfirmuan sot (13 Shtator) se specialistët për Hetimin e Krimeve në Komisariatin e Policisë Nr. 1, prangosën të dyshuarin F. M., 19 vjeç, banues në Finlandë (por me origjinë pakistaneze), pasi “ka përndjekur një shtetase të mitur”.

Policia nuk dha shumë detaje rreth ngjarjes, por mësohet se vajza është 15 vjeçe dhe ka kërkuar ndihmën e uniformave blu, pasi i riu duket se nuk e pranonte refuzimin e saj për lidhje.

Hetimet janë ende aktive dhe priten detaje pasi palët të japin dëshmi dhe ballafaqohen.

Po kështu, specialistët për Hetimin e Krimeve në Komisariatin e Policisë Nr. 2 arrestuan shtetasit E. R., 46 vjeç, banues në Tiranë, pasi dyshohet se ka ushtruar dhunë ndaj bashkëshortes së tij dhe Dh. P., 66 vjeç, pasi dyshohet se në mënyrë të vazhdueshme ka përndjekur një grua.

Kurse Komisariati nr. 3 njoftoi se ndaloi shtetasin me inicialet A. I., 50 vjeç, pasi ka shkelur masën e sigurimit personal "arrest në shtëpi" dhe ata të Komisariatit nr. 4 prangosën A. P., 50 vjeç, për veprat penale "dhuna në familje" dhe "veprime në kundërshtim me vendimin e Gjykatës", si dhe G. M., 29 vjeç, pasi dyshohet se ka ushtruar dhunë ndaj babait të tij.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria çel negociatat për kapitullin e parë, integrohemi brenda 2030?

Lajme të tjera



×

Lajmi i fundit

Berisha sulmon deputetët e larguar të PD-së që krijuan ‘Djathtas’: Në darkë dalin nga kryeministria, pastaj bëjnë opozitën e opozitës

Berisha sulmon deputetët e larguar të PD-së që krijuan ‘Djathtas’: Në darkë dalin nga kryeministria, pastaj bëjnë opozitën e opozitës

15 Tetor, 17:40