Tjetër skandal/ Ilir Meta shtetësi VIP me kriter anëtarësimin në partinë e Haradinajt, përfshihet edhe Konsullata e Kosovës në Tiranë

TIRANË- Të anëtarësohesh në partitë miqve të presidentit Ilir Meta në Kosovë, përfshin në paketë edhe marrjen e nënshtetësisë shqiptare, pa plotësuar kushtet, madje si personalitet dhe aset kombëtar. Ky është një nga kriteret dhe standardet ku është bazuar Ilir Meta, në dhënien e shtetësive të veçanta personave, të cilët Presidenca pretendon se janë heronj, familje dëshmorësh dhe personalitete. Bëhet fjalë për Leonora Recaj nga Kosova, me profesion avokate, të cilës Ilir Meta i ka dhënë nënshtetësinë shqiptare në emër të interesit kombëtar, me dekret Nr. 11426, datë 10 shkurt  2020.

Po çfarë e bëri të veçantë Leonora Recajn për të marrë nënshtetësinë shqiptare si ‘aset kombëtar’, duke vënë në lëvizje Ilir Metën, kur në Kosovë ka me dhjetëra avokatë, të cilët nuk mund të konsiderohen personalitete të kombit?! Pas saj fshihet ish-kryeministri Ramush Haradinaj, i cili i ka kërkuar Ilir Metës ta pajisë me shtetësi VIP, ndërsa Meta, nuk është menduar gjatë, duke firmosur qokën e radhës. Haradinaj është vënë në lëvizje pasi Leonora Recajn i është bashkuar partisë së drejtuar prej tij, Aleancës për Ardhmërinë e Kosovës, në 23 gusht të vitit 2019.

Bashkimi i Recajt me AAK, është komentuar nga vetë Haradinaj, duke e paraqitur si një ngjarje të rëndësishme. “Aleanca për Ardhmërinë e Kosovës është parti e vlerave dhe e hapur për idetë e reja kreative, që e transformojnë shoqërinë dhe forcojnë shtetin tonë. Aleanca po merr mbështetje të fuqishme, që dëshmon rritjen e besimit qytetarë në konceptin e saj 100% shtet. Mirënjohje avokates së suksesshme dhe intelektuales, Leonora Rrecaj, që ka zgjedhur t’i bashkohet vizionit të AAK-së”, ka shkruante Haradinaj.

Dhe për Leonora Recajn nuk ka vonuar ‘shpërblimi’. Në 15 nëntor 2019, Konsullata e Kosovës në Tiranë, i përcjellë dokumentet Presidentit Ilir Meta, për t’i dhënë shtetësi të veçantë Leonora Recajt. Dokumentet janë dërguar nga qeveria e Kosovës dhe Ministria e Jashtme. Referuar kërkesës së Konsullatës drejtuar Metës, rezulton se pjesë e dosjes është edhe kërkesa e Ramush Haradinajt për Metën, për dhënien e shtetësisë znj. Recaj.

“Konsullata e Përgjithshme e Kosovës në Shqipëri i paraqet komplimentet e saj institucionit të Presidentit të Republikës së Shqipërisë dhe ka nderin të përcjellë dokumentet për shtetësi të Republikës së Shqipërisë për znj. Leonora Recaj. Dokumentet për këtë person janë si më poshtë vijon: Letra e kryeministrit në detyrë të Republikës së Kosovës Ramush Haradinaj, drejtuar z. Ilir Meta. Kërkesën për shtetësi. Certifikata e lindje e lindjes. Ekstrat i regjistrit të gjendjes civile. Deklarata për bashkësinë familjare. Certifikatë nga gjykata themelore. Kopje të kartës së identitetit”, thuhet në shkresë.

Tre muaj më pas Meta ka firmosur dekretin. Ky është rasti i dytë i dokumentuar nga Shqiptarja.com, ku militantë të partisë së drejtuar nga Ramush Haradinaj, kanë përfituar nënshtetësi shqiptare në formë të privilegjuar, me firmë të Ilir Metës. Rasti tjetër është ai i Valdete Bekteshi, e cila ka marrë shtetësinë shqiptare nga Ilir Meta, me kërkesë të Ramush Haradinajt, me motivacionin se kujdeset vetë për familjen dhe se është militante e partisë së tij.

Meta i ka bazuar këto dekrete në pikën 7 të nenit 9 të ligjit të vitit 1998, pikë e cila parashikon që “Të huajit, që ka mbushur moshën 18 vjeç, mund t’i jepet shtetësia shqiptare me natyralizim edhe në qoftë se nuk plotëson kushtet e këtij ligji, me përjashtim të pikës 6, në qoftë së Republika e Shqipërisë ka një interes shkencor, ekonomik, kulturor dhe kombëtar”. Në këtë formë Ilir Meta u ka dhënë shtetësinë 419 personave nga Arabia, Afrika, Turqia, Ukraina dhe shqiptarëve në Kosovë dhe Maqedoni.

Nga një investigim i Shqiptarja.com, rezulton se 90 % e këtyre personave jo vetëm që nuk janë asete kombëtare, por një pjesë e tyre janë dënuar për krime të rënda dhe korrupsion. I tillë është rasti i Arsim Ramadanit, i dënuar me 30 vjet burg me vendim të formës së prerë për vrasjen e një familje me pesë anëtarë, me të tillëve tre fëmijë.

I pazakontë është edhe rasti i futbollistit afrikan të Tiranës, Ëinnful Essua Joseph Cobbina, i pajisur me shtetësi VIP nga Ilir Meta brenda tetë orëve, duke injoruar zbatimin e protokollove të sigurisë. Kur Meta i dha shtetësinë, Cobbina ishte marrë i pandehur si falsifikator.

Investigimi ka provuar se Presidenti Ilir Meta ka shkelur hapur procedurat në dhënien e shtetësive si përjashtim nga ligji, ndërsa ka abuzuar masivisht me pikën 7 të nenit 9 të ligjit, duke kualifikuar si asete kombëtare persona me të shkuar kriminale, militantë partie, këngëtarë damash etj.

 Kërkesa për t’i dhënë shtetësi Leonora Recajt 

Dekreti i Metës për dhënien e shtetësisë shqiptare Leonora Recajt në emër të interesit kombëtar

 

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • dulja: 01/11/2020 06:06

    ne rregull tashi keni fakte shkarkoheni kete Legenin ee mbushi kupen A po si gjithmon e harron populli

    Përgjigju
  • Joni: 01/11/2020 05:38

    Kjo eshte skandal. Sla kosovar pa dhene shtetesine shqiptare (a thua jane serbe, po pse u themi ne shqiptare?-Bolino duhet te dije ndonje gje). Duhet te hiqen te gjitha shtetesite e dhena ne kete forme per njerezi te tille. Ne vacanti per kosovare si Gent Caka nje idiot total.

    Përgjigju
  • Iris: 01/11/2020 02:01

    Presidentet amerikane zakonisht I kane shperblyer donatoret me te medhenj te fushatave zgjedhore te tyre me poste kryesisht si ambasadore,por ndonjehere edhe me ndonje post ne administraten kryesore.Me sa shoh per z.Haradinaj shperblimi eshte nje pashaporte shqipetare.Po z.Meta c'fiton ne kete histori?

    Përgjigju
  • Franko: 31/10/2020 22:31

    Jepu se shtohet popullsia ne shqipni e kshu fiton noj 10 mijshe€ dhe presidenti

    Përgjigju
  • Taks pagues: 31/10/2020 18:29

    Une nuk kuptoje nje gje Per gjithe keto skandale te Presidentit si eshte e mundur shteti bene rehire.

    Përgjigju
  • UKU MOMLIT: 31/10/2020 18:10

    Rustikot orientale(meta@haradinaj)si ne Shqiperi edhe ne Kosove nje turi kane,ate te korrupsionit,te dilinxhive,te vrasesve dhe te imoraleve. "Lum e lum populli dhe partia,per keta dilinxhlere!"

    Përgjigju
    • jago: 01/11/2020 11:06

      Kur haradinaj luftonte me serbin ju thithnit gjera ne forme cilindrike.Per Haradinaj Meta ose ndonje mut tjeter nga albanistani njesoj jane kur behet fjale me ndihmu kosovaret qe te kene mundesi levizjeje.Per me teper sjua imponoi haradinaj kete presidentin nga skrapari juve bagetise nga albanistani por e zgjodhet vet se ashtu balte jeni kushdo ju shkel.

    • A...Zh: 01/11/2020 10:44

      Nuk kam cfare shtoje, me sakte se e ke thene nuk behet or mik!

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Ndërron jetë në moshën 82 vjeçare ish-senatori Joe Lieberman

Ndërron jetë në moshën 82 vjeçare ish-senatori Joe Lieberman