Trafiku i kokainës në Angli, 'The Times': Shqiptarët të dytët pas britanikëve

Grupet kriminale shqiptare që kontrollojnë trafikun e kokainës me një nivel të lartë pastërtie janë rritur me 60% gjatë tre viteve të fundit. 
Me këtë konstatim e nis një artikull të gjatë për krimin shqiptarë në Angli gazeta The Times e cila thekson se shqiptarët janë përgjegjës për krime të dhunshme.

Ky shtim i prezencës së grupeve kriminale në shtetin ishull sipas kësaj gazete vjen pasi shqiptarët kanë konsoliduar lidhjet e tyre me kartelet e drogës në Amerikën Latine. Gazeta 'The Times' bazohet në këto konstatime pasi ka parë të dhënat më të fundit të NCA agjencisë britanike kundra krimit të organizuar.

Në renditjen e grupeve kriminale hartuar nga NCA të parët janë britanikët, ndërsa këtë vit të dytët janë renditur shqiptarët të cilët lanë pas rumunët të cilët vitin e shkuar ishin të dytët.

“Grupet kriminale shqiptare kanë zhvilluar tashmë një reputacion të frikshëm pasi janë ekspertë në fshehjen, transportin e më pas
shitjen e kokainës në sasi të mëdha. Ata ia kanë dalë që të armatosen duke nxjerrë nga tregtia e drogës grupet e tjera rivale”, shkruan The Times.


(Artikulli i publikuar nga The Times për grupet shqiptaret të kokainës në Britaninë e Madhe)

Gerry McLean, kreu Scotland Yard për krimin e organizuar ka deklaruar për 'The Times' se: Shtetasit shqiptarë qëndrojnë në Angli duke përdorur identitete të rreme. Impakti grupeve kriminale shqiptare na ka bërë që të punojmë me partnerët duke zhvilluar një sër operacionesh si përgjigje ndaj tyre”.

TAG:
• trafik kokaine
• angli
• the times

Sondazhi i ditës:

A ka politika frikë nga SPAK-u?

• Po

  69%

• Jo

  26.9%

• Nuk e di

  4.2%

Vota total: 554

• Sondazhi i ditës:

  A ka politika frikë nga SPAK-u?

  Po Jo Nuk e di