Tregtarët nuk i binden urdhrit të AKU-së për mbulimin e fruta-perimeve! Tregjet bosh nga shiu/ Vëzhgimi i Report Tv në Tiranë (VIDEO)

TIRANË- Ndonëse orari për të dalë nga shtëpia ende s'kishte përfunduar, tregjet në kryeqytet ishin thuajse të boshatisura këtë të mërkurë. Temperaturat e ulëta dhe reshjet e shiut kanë lënë në qetësi rrugët dhe shumë tregje në Tiranë të cilat ditët e fundit kanë qenë të tejmbushura.

Madje as pensionistët të cilët më së shumti janë evidentuar si më të pabindurit përballë masave të marra në luftën kundër COVID-19, fatmirësisht  nuk i sheh as rrugë e as në tregje.

Nga ana tjetër, po nga vëzhgimi i kryer në tregjet e kryeqytetit vihet re se ende nuk ka gjetur zbatim urdhri i Autoritetit Kombëtar Ushqimor për paketimin e fruta-perimeve me qëllim shmangien e kontaktit apo spërklave të mundshme gjatë të folurës apo teshtitjes së personave.

Vetëm një ditë më parë si rrjedhojë e kontrolleve të ushtruara, AKU kreu 76 monitorime në disa njësi tregtie ku u gjobitën 5 biznese dhe 4 të tjera u paralajmëruan paralajmërim për mos respektim të masave të sigurisë për COVID-19.Pavarësisht masave kjo nuk i ka ndërgjegjësuar aspak tregtarët që vijojnë të ushtrojnë aktivitetin e tyre duke shkelur urdhrin e AKU , por edhe qytetarët të cilët vijojnë blejnë produkte të pa paketuara.

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Himara 2 ‘kryetarë’ në burg, vendi vakant pas dorëheqjes së Jorgo Goros! Këshilli Bashkiak komandon sot kryebashkiakun e ri

Himara 2 ‘kryetarë’ në burg, vendi vakant pas dorëheqjes së Jorgo Goros! Këshilli Bashkiak komandon sot kryebashkiakun e ri