PD 500 mijë dollarë nga Rusia, KQZ rrit kontrollin ndaj partive! Do raportojnë me detaje financuesit në sistem online

Të dhënat e raportit të inteligjencës amerikane se Rusia ka financuar në mesin e 24 shteteve edhe Partinë Demokratike  me 500 mijë dollarë në 2017-ën, vunë në lëvizje Komisionin Qendror të Zgjedhjeve në Shqipëri. Kryekomisioneri Ilirjan Celibashi artikuloi publikisht nevojën që ngriti pas takimit me kryediplomaten Yuri Kim dhe përfaqësues të partive, se ligji për financimet politike do të ndryshojë.

I pari element që do të preket është mënyra se si raportojnë partitë. KQZ propozon që çdo burim financiar i partive të bëhet në një sistem online,  i aksesueshëm për publikun por që të ruajë të dhënat personale.

“Ndryshimet e ligjit për financimin në thelb të kenë rritjen e monitorimit, kontrollit… etj. Kqz ka prezantuar objektivin për të dixhitalizuar sistemin e raportimit të financimeve. Kjo rrit drejt për drejti transparencën. Aktualisht raportimi me letër. Ndryshimet duan kohë, buxhet e vullnet. Ne aktualisht harxhojmë shumë kohë për analizimin e të dhënave që vijnë në formë raportimi me letër. Shpesh pa arritur të kuptojmë siç duhet atë çka ndodhur. istemi duhet të ofroj mundësi të aksesohet e lexohet qartë raporti dhe të dhënat e tij.

LEXO EDHE:
Celibashi diskuton me përfaqësues të ODIHR për auditimin e teknologjive në zgjedhje: Vendosëm piketat për bashkëpunim të ngushtë teknik

Ndryshimet duhet të konsiderojnë vendosjen e rregullave për financimin edhe nga palët e treta. Interesi i shumë aktorëve mbi financimin e partive politike dhe fushatave zgjedhore ishte një nga diskutimet në tryezën e qershorit.

Angazhimi i IDEA për të mbështetur KQZ dhe dixhitalizimin do na ndihmojë që këtë objektivë ta arrijmë në kohë. KQZ është e hapur dhe fton aktorët e interesuar në financimin e partive politike që të kontribuojnë. Ka si qëllim unifornizimin e tyre, qartësi në çfarë kërkohet, qartësi në pasqyrimin e asaj që është raportuar, si për të ardhurat e donacionet, ashtu dhe për shpenzimet. Të dhënat kryesore për raportet financiare të partive do të bëhet online. Është me rëndësi të themi që sistemi të jetë i programuar në mënyrë të tillë që të interesuarit të shkarkojnë të dhënat në formate të ndryshme.

Do të jenë 3 aspekte, procesi i raportimit nga partitë politike, marrja nga KQZ e raporteve dhe të publikimit dhe aksesit online. IDEA sot na jep një draft si ti realizojmë këto pika Stafi i KQZ ka nisur prej kohësh nga puna për të dizejnuar termat teknikë të kontrollit dhe auditimit si dhe publikimit të të dhënave”, tha Celibashi.

Në këtë hap, institucioni i administrimit zgjedhor në Shqipëri ka asistencë nga Këshilli i Europës dhe Instituti Ndërkombëtar për Demokraci dhe Asistencë Elektorale. Eksperti i IDEA-s, Wouter Wolfs, qartësoi atë se çfarë duhet të përmbajë sistemi digjital, ku thekson e vë tek detajimi i të dhënave nga partitë politike mbi financuesin. Duke mos e konsideruar vendin imun ndaj influencave ruse, mazhoranca e përkrah ndërhyrjen në ligj. Sipas ligjit aktual, partitë politike raportojnë në KQZ, raportohet me të dhënat për burimet financiare, si dhe për shpenzimet e tyre.

Publikimi i financimeve politike

1. 1.Lehtësia e përdorimit të sistemit
2. 2.Aksesueshmëria në system
3. 3.Cilësia e informacionit në sistem
4. 4.Inforamcioni sa më i detajuar në zëra
5. 5.Mundësia e kërkimit të informacionit
6. 6.Mundësia e përpunimit të Informacionit
7. 7. Verifikueshmëria e informacionit

Kjo tryezë teknike që  solli së bashku përdoruesit kryesorë të ardhshëm të një sistemi dixhital të raportimit të financave: stafin e KQZ-së, zyrtarët e financave të partive politike, si dhe shoqërinë civile erdhi pas raportit të SHBA që bëri me dije se në 2017, Partia Demokratike ka marrë 500 mijë dollarë nga Rusia. 

Rendit zhvillimet sipas orarit:

Të Fundit Të Parat

A.M./r.k./Shqiptarja.com

TAG:
• ilirjan celibashi
• kqz