'Turizmi është shfrytëzuar keq', Meta: Shqipëria nuk mund të ketë diell për disa, por për të gjithë! (VIDEO)

Në ditën ndërkombëtare të Turizmit Presidenti Ilir Meta ka vënë në dukje bukuritë e Shqipërisë, e cila ka një potencial të jashtëzakonshëm turistik, por sipas tij është keqshfrytëzuar.

Përmes një postimi në rrjetet sociale, Meta shkruan se turizmi është një ndër sektorët më të rëndësishëm të ekonomisë kombëtare e familjare.

Meta shprehet gjithashtu se turizmi nuk janë vetëm hotelet e luksit dhe resortet me 5 yje, por janë bujtinat mikpritëse familjare me gatime e prodhime bio në çdo stinë, që duhet të mbështeten nga shteti.

"Në Ditën Ndërkombëtare të Turizmit është momenti për të reflektuar mbi domosdoshmërinë për t'i dhënë frymëmarrje këtij sektori jetik për ekonominë, nëpërmjet një plani konkret, të qartë dhe efikas, që do të frenonte edhe shpopullimin e vendit, duke rikthyer shpresën për zhvillim të qëndrueshëm dhe të ardhme të sigurtë në këtë vend të bekuar nga Zoti", shprehet Meta.

Më tej ai shkruan se Shqipëria nuk mund të ketë diell vetëm për disa, por sipas tij duhet të ndriçojë për të gjithë shqiptarët.

"E bekuar me det e brigje, male, alpe dhe bukuri natyrore mahnitëse, me një popull mikpritës e me vlera të spikatura kulturore, Shqipëria ka një potencial të jashtëzakonshëm turistik, por më së shumti të keqshfrytëzuar, të pazhvilluar dhe të fjetur.

Një nga sektorët më të rëndësishëm të ekonomisë kombëtare e familjare, i goditur së fundmi dhe nga pasojat e rënda të COVID-19, meriton më shumë vëmendje për zhvillimin e qëndrueshëm të zonave me pasuri natyrore të mrekullueshme dhe të gjithë Shqipërisë.

Turizmi nuk janë vetëm hotelet e luksit dhe resortet me 5 yje!

Turizëm në radhë të parë janë bujtinat mikpritëse familjare me gatime e prodhime bio në çdo stinë, që duhet të mbështeten nga shteti.

Turizëm është trashëgimia e çmuar kulturore, janë muzetë, kalatë e parqet arkeologjike që meritojnë të promovohen, si dhe sa duhet.

Turizëm janë brigjet, malet e lumenjtë përrallorë, e të gjitha pasuritë natyrore kombëtare, që në vend të gjenerojnë të ardhura për familjet shqiptare, keqshfrytëzohen nga koncensionarë.

Ndaj sot, në Ditën Ndërkombëtare të Turizmit është momenti për të reflektuar mbi domosdoshmërinë për t'i dhënë frymëmarrje këtij sektori jetik për ekonominë, nëpërmjet një plani konkret, të qartë dhe efikas, që do të frenonte edhe shpopullimin e vendit, duke rikthyer shpresën për zhvillim të qëndrueshëm dhe të ardhme të sigurtë në këtë vend të bekuar nga Zoti.

Shqipëria nuk mund të ketë diell për disa!

Dielli do të ndriçojë për të gjithë shqiptarët", shkruan Meta.

D.P./b.ha./Shqiptarja.com
  • Sondazhi i ditës:

    Platforma 'Deputeti që duam' dhe votim nga anëtarësia, a e mbështesni mënyrën si partitë po zgjedhin kandidatët e 25 prillit?

Komento

Komente

  • Likja: 28/09/2020 14:36

    Me pleher e me harbut njeri se ky president kryehajdut nuk mund te gjesh,ku ben moral dhe ky pacavurja i LSI hapu dhe e te futet brenda bashke me fallxhoren e tij.

    Përgjigju
  • BENI: 27/09/2020 23:51

    Foli plehra e kombit...

    Përgjigju
  • sula: 27/09/2020 12:37

    Nuk e di a e kap dilli gjirin e Lalzit ?

    Përgjigju
  • Dielli: 27/09/2020 11:58

    Shqiperia nuk do te ket diell derisa te jesh ti e Sali Berisha ne politike more hajdut

    Përgjigju
  • Endri: 27/09/2020 11:52

    Ti do besh turizem ne Reç o hajdut

    Përgjigju
  • A...Zh: 27/09/2020 11:40

    Pashai i Lalezit paska dale per te na gjetur diellin!

    Përgjigju
  • Agjenti: 27/09/2020 11:38

    Flet ky qe bashke me sojin e vet kane zaptuar bregdet te tere per perfitime personale.

    Përgjigju


×

Lajmi i fundit

John

Denoncimet e PD-së për inceneratorët, Murrizi: Janë ngritje pazari për gjobë