Të gatuajmë me zonjën Vjollca/ Makarona me salcë e patëllxhanë dhe Ëmbëlsirë në gotë me krem e çokollatë

Makarona me salcë dhe patëllxhanë

Përbërësit:

500 gr patëllxhanë

320 gr makarona

1 thelpi hudhër

1 qepë e vogël

300 gr salcë domate

Kripë dhe piper i zi

1/2 lugë çaji sheqer

Borzilok

Vaj ulliri

Parmixhan i grirë

Përgatitja:

Vendosim tenxheren me ujë të bollshëm për të zierë makaronat. Pastrojmë patëllxhanët, i presim ato në kubikë, i spërkasim me kripë dhe i lëmë të nxjerrin ujin.

I shpëlajmë dhe i thajmë me letër kuzhine. Vendosim vajin për t'u ngrohur, e aromatizojmë atë me një thelpi hudhër, largojmë hudhrën dhe shtojmë qepën e vogël të grirë imët.

E kaurdisim qepën derisa ajo të zbutet. Shtojmë patëllxhanët dhe vazhdojmë kaurdisim derisa të zverdhen pak dhe shtojmë purenë e domatës. Shtojmë borzilokun me pak sheqer dhe e lëmë salcën të përzihet mirë.

Shtojmë kripë dhe piper dhe makaronat e ziera me pak lëng nga uji ku i ziem, dhe i përziejmë për 2 minuta. I servirim makaronat të pudrosura me pak parmixhan.

Ëmbëlsirë në gotë me biskotë, krem dhe çokollatë

Përbërësit:

3 lugë gjelle nescafe në 130 ml ujë

500 ml qumësht

1 fetë lëkurë limoni

2 vezë

3 lugë gjelle miell

4 lugë gjelle sheqer

Sheqer vanilje

Biskota (1 për gotë)

100 gr lajthi

100 gr çokollatë fondente

Përgatitja: Fillimisht tretim kafenë me pak sheqer në 130 ml ujë dhe përgatitim një kafe jo shumë të ëmbël. Pasi e përgatisim, e ziejmë dhe e lëmë të ftohet.

Ngrohim 500 ml qumësht duke vendosur në të fetën e limonit. Në një tenxhere vendosim 2 vezë të plota, 3 lugë gjelle miell, 4 lugë gjelle sheqer, sheqer vanilje dhe i përziejmë mirë derisa të na formohet një krem.

Largojmë qumështin dhe e shtojmë gradualisht në tenxheren me vezë, duke e përzierë vazhdimisht. Vendosim tënxheren në zjarr të marrë valë për 4 minuta.

Vendosim në çdo gotë një biskotë të lagur mirë me kafen. Shtojmë kremin mbi biskota. Thërrmojmë lajthitë dhe i shtojmë mbi krem.

E lëmë ëmbëlsirën të ftohet dhe i servirim duke shtuar çokollatë fondente.

D.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Lushnjë, lejuan 37 ndërtime pa leje në 2019-2021, dënohen 12 persona! Mes tyre  2 kryeinspektorë dhe 2 inspektorët e IKMT-së

Lushnjë, lejuan 37 ndërtime pa leje në 2019-2021, dënohen 12 persona! Mes tyre 2 kryeinspektorë dhe 2 inspektorët e IKMT-së