Të gatuajmë me Zonjën Vjollca/Sallatë me pulë e perime dhe Makarona me speca e salcë

Përberësit:

400 gr fileto pule

300 gr karrotë

300 gr patate

300 gr kunguj jeshil

Lëng limoni

3 lugë gjelle uthull të bardhë

4 degë majdanoz

Vaj ulliri

Kripë dhe piper i zi

Përgatitja :

Fillimisht lajmë fileton e pulës dhe e vendosim atë në një tenxhere me ujë të bollshëm . vendosim brenda në të 2 degë majdanoz ose kokrra piperi të zi (5 copë), kripë dhe e vendosim në zjarr për të zier nga momenti i vlimit për 20 minuta.

Vendosim një tenxhere tjetër me ujë pët të valuar. Ndërkohë lajmë, pastrojmë ( qërojmë perimet) dhe i presim në shkopinj me gjatësi 4 cm dhe trashësi  3 mm

Në tenxhere me ujë të valuar shtojmë kripë, uthull, karrotë dhe i lëmë të zijenë për 2 – 3 minuta. Pas 2 minutave shtojmë kungujt dhe i lëmë të ziejnë 3 minuta. Më pas i kullojmë dhe i vendosim në një enë të thellë.

Largojmë filetot e pulës , i presim dhe ato në shirita dhe i vendosim në enën ku janë perimet e ziera. I rregullojmë me kripë, piper, vaj ulliri, majdanoz të grirë hollë, lëng limoni dhe e trazojmë mirë. Më pas e shërbejmë në porcione duke e spërkatur përsëri me pak piper të zi dhe vaj ulliri.

Receta e dytë : Makarona me speca dhe salcë

Përbërësit :

250 gr pure domate

320 gr makarona

1 lugë gjelle sheqer kaf

Borzilok (6 – 7 gjethe )

Vaj ulliri

1 kokërr qepë ( në fije )

3 açuge

1 spec i verdhë

1 spec i kuq

Kripë + piper

Përgatitja : 

Fillimisht vendosim një tenxhere me ujë të bollshëm për të zier makaronat. Në një tigan të thellë vendosim vaj ulliri , qepën e grirë në rrathë . E kaurdisim atë duke shtuar  edhe açuget. Vazhdojmë të kaurdisim së bashku duke shtuar pak fare ujë për të ndihmuar qepën të zbutet.

Ndërkohë specat e larë i pastrojmë nga bishtat, farat dhe fijet e brendshme. Pasi i presim fillojmë dhe bëjmë prerje në formën e shkopinjve. Kështu veprojmë për të dy specat.

Ndërkohë qepa është zbutur dhe shtojmë specat në të. I kaurdisim së bashku me kripë dhe piper të zi.

Shtojmë makarona e kripë për të zier për 10 minuta. Vazhdojmë të kaurdisim specat për 3-4 minuta. Shtojmë purenë e domates , pak sheqer kaf , borzilok dhe pak ujë nga lëngu i makaronavë dhe e lëmë salcën të ziejë.

Shtojmë makaronat e kulluara në salcë, i trazojmë duke i lënë 1 minutë në tigan dhe më pas i shërbejmë menjëherë.

Ju bëftë mirë!

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Në hetim në Gjermani për trafik kokaine nga Amerika Latine, SPAK sekuestron pasuritë e Princ Dobroshit dhe Olsi Syziut në Shqipëri

Në hetim në Gjermani për trafik kokaine nga Amerika Latine, SPAK sekuestron pasuritë e Princ Dobroshit dhe Olsi Syziut në Shqipëri