Të gatuajmë me zonjën Vjollca/Pilaf bullguri dhe Sallatë me bullgur

Receta e parë: Pilaf  Bullguri

Përbërësit:

1kg mish vici

4lgj vaj

2lgj gjalp

4 kupa lëng mishi

2 kupa bullgur

1 kupë qiqra

½ kupë rrush të thatë të zi

Pak borzilok të thatë

Erëza të freskëta, trumëz

Përgatitja:

Në një tigan të thellë vendosim 4 lugë gjelle vaj. Shtojmë në të tulin e mishit të prerë në kubikë me brinjë 1 cm. e kaurdisim mishin deri sat ë marrë një ngjyrë të lehtë. Shtojmë 2 lugë gjelle gjalp, e trazojmë së bashku me mishin deri sa të shkrihet gjalpi dhe më pas shtojmë 4 gota lëng mishi. Vendosim kapakun dhe e lëmë pak të ziejë. Shtojmë 2 gota bullgur, 1 gotë qiqra, ½ filxhani çaj me rrush të zi të thatë. E trazojmë dhe i vendosim kapakun në temperaturë të ulët, të ziejë për 15 minuta. Në fund shtojmë pak borzilok të thatë , e trazojmë lehtë dhe i vendosim gjysëm kapakun për 10 minuta të tjera. Në fund e servirim duke e spërkatur me trumëz të freskët.

Receta e dytë: Sallatë me bullgur

Përbërësit:

2.5 gota ujë të ngrohtë

3 gota bullgur

½ gotë vaj ulliri

3 qepë të thata (të vogla)

5-6 qepë të njoma

2 kastraveca

5 speca jeshil të vegjël

2 domate (mesatare)

1 tufë majdanoz

1 tufë kopër

Vaj ulliri për skuqjen e qepës

1 lg salcë domate

1 lg salcë speci

1 lç kumin

Piper djegës

Piper i zi

Nenexhik

Kripë

Boronica të thata për dekor

Përgatitja:

Vendosim ujin e nxehtë në një tas dhe shtojmë në të bullgurin e  gjysmë gotë vaj ulliri. E trazojmë dhe e mbulojmë me një pecetë.

Presim qepët në kubikë të vegjël, qepët e njoma i presim në unaza, kastravecat i presim në kubikë 0,5 cm. Gjithashtu edhe specat i presim në kubikë me brinjë 0,5 cm. Domatet e qëruara nga lëkura po ashtu i preism në kubikë të vegjël. Grijmë hollë majdanozin dhe koprën.

Vendosim një tigan me vaj ulliri në zjarr dhe kaurdisim qepët deri sa ato të zbuten. Shtojmë në të salcën e domates dhe të specit, 1 lugë çaji kumin, oioer djegës, piper të zi dhe i kaurdisim mirë të gjitha së bashku.

Ndërkohë zbulojmë bullgurin, shtojmë në të qepqën, e kaurdisim me salcë dhe erza, e trazojmë dhe më pas shtojmë perimet e prera në kubikë. I trazojmë mirë të gjithë përbërësit duke shtuar në fund nenexhik të thatë, kripë dhe i përziejmë përsëri të gjitha së bashku. Në fund e servirim në tasa duke e edekoruar me boronica të thata (dhe me ndonjë gjethe sallate).

/b.ha./Shqiptarja.com

TAG:
• rreze dielli
• receta
• zonja vjollca
• bullgur