U arrestua në Tiranë si pjesë e një celule të ISIS, ekstradohet në Gjermani terroristi nga Taxhikistani, Zukhurov

U arrestua në Tiranë si pjesë e një celule të ISIS, ekstradohet në Gjermani terroristi nga Taxhikistani, Zukhurov

Komron Zukhurov

Gjykata e Tiranës ka vendosur të ekstradojë në Gjermani shtetasin nga Taxhikistani, Komron Zukhurov, i arrestuar si pjesë e një celule terroriste. I dyshuar si anëtar i një celule terroriste të ISIS dhe i kërkuar nga Gjermania për akte terroriste, Zukhurov u arrestua më 30 prill nga anti-terrori.

Gjatë arrestimit të tij, 24 vjeçari Zukhurov ka qenë dakord me kërkesën e prokurorisë për ekstradim, por ka kërkuar që të mos ekstradohet në Taxhakistan me argumentin se i cenohej jeta.

Në datën 2 Maj, gjykata caktoi masën e sigurisë “arrest në burg” për 24-vjeçarin Zukhurov,  me qëllim ekstradimin e tij drejt Gjermanisë. Komron Zukhurov vizën për të hyrë e mori në ambasadën tonë në Rusi, asokohe jo në kërkim. Prej 17 Shkurtit ai ka qëndruar në Tiranë, ndërsa u arrestuar nga anti-terrori në fund të muajit prill.

Arrestimi i 24-vjeçarit u bë në Bulevardin 'Dëshmorët e Kombit' në Tiranë dhe është kushëri i bashkëjetueses së ish- deputetit të PD-së, Asllan Dogjani, i cili është edhe avokati i tij mbrojtës.

Zukhurov ishte shpallur në kërkim nga Interpol pasi ndaj tij ishte lëshuar urdhër-arresti ndërkombëtar për veprën penale "Pjesëmarrje në një organizatë të huaj terroriste”, i dyshuar si anëtar dhe pjesëmarrës i kësaj organizate të huaj terroriste, e themeluar si celulë terroriste në Gjermani për të bërë xhihad në emër të shtetit islamik (ISIS).  Zukhurov ka mundur që të vijë në Shqipëri në mënyrë legale dy muaj e gjysmë më parë, para se Gjermania ta shpallte atë në kërkim ndërkombëtar në Tiranë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Superkupa e Italisë nuk ndryshon format, zhvillohet sërish në Arabinë Saudite

Superkupa e Italisë nuk ndryshon format, zhvillohet sërish në Arabinë Saudite