U dëmtua nga tërmeti, mbeten pezull punimet në Teqenë e Dollmës në Kalanë e Krujës, firma u tërhoq

Teqeja e Dollmës, monument kulture i Kategorisë së Parë në Kalanë e Krujës është ndër objektet e rëndësishme që u dëmtua rëndë nga tërmeti i 26 nëntorit 2019. Punimet për restaurimin e saj u njoftuan nga Ministrja e Kulturës Elva Margariti në korrik 2020, por prej asaj dite e deri më sot nuk kanë përfunduar...

Sot, veç një tabele që lajmëron se nuk lejohet hyrja në objekt, s’ka mbetur asnjë shenjë tjetër! Pamjet e xhiruara nga Report Tv tregojnë se në kantier nuk ka asnjë punëtor apo restaurator....

Ndërsa shihet se është vendosur mbulesa e çelikut dhe është realizuar faza e parë e ndërhyrjes emergjente për të mos lejuar dëmtimin e mëtejshëm. Punimet për restaurimin e plotë të mureve, çatisë dhe afreskeve nuk janë kryer edhe pse tashmë kanë kaluar më shumë se 3 vite nga tërmeti dhe më shumë se 2 vite nga koha kur Ministria e Kulturës njoftoi me bujë restaurimin e këtij objekti me rëndësisë të veçantë brenda kompleksit historik të Kalasë së Krujës. Në nisje të projektit vlera e dëmit ishte përllogaritur në 21.500.000 lekë.

Report Tv u interesua pranë këtij dikasteri i cili tha objekti restaurohet me financime të huaja dhe punimet ndiqen nga “Trashëgimia Kulturore pa Kufij”. Në një përgjigje për Report TV “Trashëgimia Kulturore pa Kufij” thotë se në Teqen e Dollmës është ndërprerë kontrata me kompaninë e kontraktuar fillimisht pasi kompania u tërhoq dhe është duke u mbyllur procedura e dorëzimeve. Me mbylljen e procedurave sipas parashikimeve ligjore do kontraktohet një kompani e re për vazhdimin e punimeve.

Ndërsa në Kullën e Sahatit në Krujë janë duke u kryer ndërhyrje përforcuese dhe është përpiluar projekti për ndërhyrjen e plotë restauruese. Punimet në kullën e sahatit thotë “Trashëgimia Kulturore pa Kufij’ do të rifillojnë pas përforcimit të shkëmbit dhe ato janë marrë përsipër nga ministra e Kulturës.

Teqeja është monument kulture i Kategorisë së Parë, ndërtuar në vitin 1778 dhe një nga më të rëndësishmit e qytetit të Krujës.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Si Lulzim Basha u dënua nga gjykata për shpifje për rastin e Olsi Ramës

Si Lulzim Basha u dënua nga gjykata për shpifje për rastin e Olsi Ramës