U dënua për 30 mijë euro korrupsion, gjyqtari Shkëlqim Miri dha dorëheqjen nga drejtësia, por ILD kërkon në KLGJ shkarkimin e tij: Cenoi besimin e publikut

U dënua për 30 mijë euro korrupsion, gjyqtari Shkëlqim Miri dha dorëheqjen nga drejtësia, por ILD kërkon në KLGJ shkarkimin e tij: Cenoi besimin e publikut

Shkelqim Miri

KLGJ ka shtyrë për seancën e radhës kërkesën e ILD-së për shkarkimin si magjistrat të gjyqtarit Shkëlqim Miri, i dënuar për korrupsion pasiv me vlerën 30 mijë euro. Gjyqtari Miri aktualisht është jashtë sistemit të drejtësisë pasi ka dhënë dorëheqjen, por për ILD kjo nuk është e mjaftueshme pasi ai mund të rikthehet sërish me aktin e dorëheqjes dhe për këtë kërkon shkarkimin e tij.

Në seancën e sotme Shkëlqim Miri u njoh me aktet e procedimit disiplinor nga ILD, ndërsa vendimi u shty për seancën e radhës.

Inspektori i Lartë i Drejtësisë parashtroi sot para Këshillit të Lartë Gjyqësor argumentet për fillimin e procedimit disiplinor ndaj magjistratit Shkëlqim Miri, pasi dënimi i tij për korrupsion ka cenuar veprimtarinë e rregullt të organeve të drejtësisë dhe besimin e publikut në organet e drejtësisë. ILD shkruan se abuzimi i Mirit ka sjellë pasoja për dhënien e drejtësisë, ka diskretituar rëndë pozitën dhe figurën e gjyqtarit, si dhe ka cenuar besimin e publikut te drejtësia.    

Ish-gjyqtari Shkëlqim Miri, i cili u arrestua në nëntor 2017 me afro 33 milionë lekë para të thata në shtëpi, u dënua me 2 vite e 8 muaj burg gjyqtarin e Apelit të Tiranës. Miri së bashku me kushëririn e tij Kujtim Miri dhe Alban Bucin u arrestuan nga prokuroria për akuzën e korrupsionit pasiv dhe aktiv, pasi sipas prokurorisë kundrejt 30 mijë eurove, ndërhynë për të lënë të lirë Gentian Dodën.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

'Tempulli' deri tani u sekuestruan mbi 1600 kg drogë, Balla: Do vijojmë

'Tempulli' deri tani u sekuestruan mbi 1600 kg drogë, Balla: Do vijojmë