U gjet i pajetë në rezervuarin e Gjançit në Korçë, 25-vjeçari ishte me duar të lidhura, dyshohet se u vra 1 javë më parë! Identifikohen autorët

Report Tv mëson detaje nga ngjarja e djeshme ku u gjet i pajetë Fridman Xhaferraj në ujërat e Rezervuarit të Gjançit në Korçë. Sipas burimeve nga policia bëhet me dije se janë 2 pista hetimi, ajo kryesorja e prishjeve të pazareve të drogës, dhe nuk përjashtohet as pista e vrasjes për motive banale. Autorët të cilët dyshohet se e kanë vrarë janë identifikuar. Xhaferraj ka qënë i shoqëruar me disa persona, ndërsa dyshohet se është vrarë më tepër se një javë më parë.

Sipas burimeve viktima është gjetur i lidhur nga duart në momentin që ka dalë në sipërfaqe të rezervuarit të Gjancit. Në bazë të informacioneve ai njihet si person problematik nga policia e Fierit dhe Lushnjës, si dhe përdorues i lëndëve narkotike. Dyshohet se autor është Lulëzim Spahija dhe një 26 vjecar me iniciale K.B . Të dy nga Lushnja, dhe që tashmë janë shpallur në kërkim.

Fridman Xhaferraj, nuk është emër i panjohur për drejtësinë shqiptare. Një vit më parë bashkë me vëllanë e tij kanë kundërshtuar me dhunë patrullën e forcave Shqiponja në qytetin e Vlorës. Nga kjo ngjarje, vëllai i tij ka përfunduar në burg, ndërsa Fridmani ka jetuar me Pluk të Lushnjes gjatë kësaj kohe.

Në shkurt të këtij viti Fridman Xhaferraj dyshohet se ka qene autor i djegies se tre automjeteve luksoze në një qendër tregtare në Lushnje. Për këtë vepër pas hetimeve të policisë është arrestuar në datën 1 Maj ku gjykata kishte vendosur më parë masën e arrestit me burg. Në datën 25 Maj gjykata e ka lehtësuar masën e arrestit në arrest në shtëpi.

Fridman Xhaferraj jetonte me vëllain pasi e ëma ka vdekur në Greqi, në një aksident rrugor, ndërsa dy vjet më parë është ndarë nga jeta dhe babai i tyre. Një nga fqinjët si gjithmonë të rezervuar në këto raste shprehet se ishin të qeta. Policia po heton në disa pista ku kryesore është aktiviteti i tij në shpërndarjen e narkotikëve.

*Raportuan për Shqiptarja.com gazetarët Gladiola Hoxha dhe Yrjet Saliali

1623657653_FridmanXhaferraj.2.jpg

Fridman Xhaferraj

 

Rendit zhvillimet sipas orarit:
Ora 10:27
Dyshohet se vranë 25 vjeçarin 1 javë më parë dhe e hodhën në rezervuarin e Gjançit me duar të lidhura, identifikohen autorët!

Burime kofidenciale bëjnë me dije se janë identifikuar autorët që dyshohet se mund të kenë vrarë dhe hedhur në rezervuarin e Gjançit në Korçë 25 vjeçarin Fridman Xhaferraj. Mësohet se është më shumë se 1 person, por ende vijojnë hetimet. Xhaferraj ka qënë i shoqëruar me disa persona, ndërsa dyshohet se është vrarë më tepër se një javë më parë.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Dy humbjet në miqësore, Kombëtarja humbet pozicione në FIFA! Rivalët e Euro 2024 në 'top 10'

Dy humbjet në miqësore, Kombëtarja humbet pozicione në FIFA! Rivalët e Euro 2024 në 'top 10'