U kapën duke transportuar 1 ton kanabis drejt Italisë, lihen në burg tre skafistët shqiptarë

U kapën duke transportuar 1 ton kanabis drejt Italisë, lihen në burg tre skafistët shqiptarë

Tre skafet e përdorur nga shqiptarët për të trasnsportuar drogën

VLORË- Tre të rinjtë shqiptarë që u kapën duke transportuar rreth 1 ton kanabis janë lënë në burg, nga Gjykata e Vlorës. Arbër Saraseli 31 vjeç, Saverjo Imeraj, 21 vjeç, dhe Qemal Pekmezi, 19 vjeç, u arrestuan në kuadër të operacionit ‘Syri’ që u zhvillua nga Policia e Vlorës dhe Guradia di Finanzia. Ata dyshohet se kanë transportuar drogën me tre skafe të vegjël drejt një veliere që i priste në det të hapur, nga dy ukrainas. Ata u arrestuan në ujërat e shqiptare, ndërsa dy ukrainasit, Bychkovi Serhii, 43 vjeç dhe Senkevych Serhii, 62 vjeç, u kapën në ujërat Italiane, por pa mbërritur droga në destinacion. Vlera e kanabisit në treg ishte 10 milionë euro.

Veliera u pikas në ujërat ndërkombëtare, rreth 13 milje larg bregdetit shqiptar, ku po bëhej shkëmbimi, Në atë moment, u vendos koordinimi midis dhomave operacionale dhe forcave ajrore që lejoi ndalimin e tre skafeve në territorin shqiptar, nga Policia shqiptare dhe ndalimin e velierës nga autoritetet italianbe. Zbulimi është bërë nga patrulla e rojës bregdetare dhe helikopterit të “Frontex” në ujërat detare mes Italisë dhe Shqipërisë tre ditë më parë.

Në fakt, sapo u nis, anija me vela që përdorej për trafik u bllokua dhe u dërgua në seksionin operacional detar të policisë financiare të Galipolit. Kontrollet në bord bënë të mundur bllokimin e dy kapitenëve, me kombësi ukrainase, të arrestuar për ndalim dhe trafik ndërkombëtar droge. Aktualisht hetimet po kryhen për akuzën e trafikut ndërkombëtar të drogës ndërsa pritet që edhe SPAK të përfshihet në këtë proces pasi dyshohet se të arrestuarit janë thjesht ushtarë të grupeve kriminale mes Shqipërisë dhe Italisë. 

Transporti i drogës nga tre shqiptarët më 7 gusht, rreth orës 15:00. Ata kanë ngarkuar drogën në velierën që i priste në thellësinë e detit jon. Droga është marrë nga 2 ukrainasit në velierë dhe kishin si destinacion Italinë, por nuk e trafikuan dot, pasi janë ndaluar nga Guardia di Finanza në ujërat e bregdetit italian. Droga ishte e ndarë në 153 pako.

Policia ka sekuestruar tre skafet që u përdorën nga shqiptarët për të transportuar drogën drejt velierës. Skafet u gjetën në banesën e Saverjo Imeraj, ndërsa u sekuestrua edhe një sasi kanabisi, 3 aparate celulare dhe 2 automjete. Në operacion u përshinë rreth 250 forca policore, të cilat zhvilluan kontrolle dhe ndjekje nga toka, deti dhe nga ajri me helikopter të GDF-së dhe Frontex-it. Operacioni u përshëndet edhe nga ministri i Brendshëm Bledi Çuçi.

Rendit zhvillimet sipas orarit:
Ora 11:11
Tentuan të trafikonin rreth 1 ton kanabis drejt Italisë, Gjykata e Vlorës lë në burg tre skafistët shqiptarë

1659964308_7d92624852cd4fc7892a6df7dc19f0e0.jpg

Gjykata e Vlorës ka lënë në burg tre skafistët shqiptarë që tentuan të transportonin rreth 1 ton kanabis drejt Italisë. Gjykata caktoi arrest në burg për Arbër Saraseli, Saverjo Imerajn dhe Qemal Pekmezin.

SI.E./K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Lindon Selahi 'sms' Sylvinhos: Trajneri s'më ka telefonuar, kam shpresa për Europianin

Lindon Selahi 'sms' Sylvinhos: Trajneri s'më ka telefonuar, kam shpresa për Europianin