U qëllua me thikë gjatë një takimi elektoral, ndërron jetë deputeti britanik

David Amess, deputet i Partisë Konservatore

David Amess, deputet i partisë konservatore, partia e Boris Johnson, u godit me thikë disa herë gjatë një takimi elektoral në Essex të Britanisë së Madhe. Ai ka ndërruar jetë për shkak të plagëve të marra.

David Amess  u vra gjatë një takimi me zgjedhësit e tij në zonën e tij elektorale në një kishë në Essex. Një burrë që ishte pjesë e takimit elektoral e sulmoi deputetin britanik në mënyrë të përsëritur duke i marrë jetën. Deputeti ndërroi jetë në spital edhe pse mjekët u përpoqën ta mbanin atë në jetë.

Vrasësi 25-vjeçar u arrestua, ndërsa identiteti i tij nuk bëhet i ditur. Nuk dihen ende se cilat janë arsyet që qëndrojnë pas sulmit të tij, por dyshphen se mund të jenë për akte terroriste.

David Amess , 69 vjeç, i martuar dhe me pesë fëmijë, u zgjodh për herë të parë në Parlament në 1983. I dekoruar me titullin Sir, ai kurrë nuk kishte mbajtur poste qeveritare.  Deputetët britanikë mbrohen nga agjentë të armatosur kur janë brenda Parlamentit, por ata nuk shoqërohen jashtë.

Rendit zhvillimet sipas orarit:
Ora 04:14
Vrasja e deputetit konservator David Amess/ Sulm i organizuar terrorist

Deputeti britanik David Amess u godit me thikë disa herë në një operacion elektoral në Leigh-on-Sea në Essex mesditën e së premtes.

Policia Metropolitane tha se kishte "një motivim të mundshëm të lidhur me ekstremizmin islamik".

Një 25-vjeçar britanik u arrestua në vendngjarje nën dyshimin për vrasje dhe policia tha se nuk po kërkonte askënd tjetër për vdekjen.

Si pjesë e hetimit, oficerët aktualisht po kryejnë kërkime në dy adresa në zonën e Londrës.

Forcat policore besojnë se 25-vjeçari identiteti i të cilit ende nuk është raportuar në media ka vepruar vetëm, por hetimet për rrethanat e incidentit vijojnë.

Policia njoftoi shtypin se autori është në paraburgim.

I.K./G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Elgert Vladi: 16/10/2021 08:27

    ...Eshte cmenduri te kushtezosh dijen nga politika!

    Përgjigju
  • Sondazhi i ditës:

    Rishfaqen nostalgjikët e diktatorit, a duhet bërë dekomunistizimi i shoqërisë shqiptare?



×

Lajmi i fundit

John

Përhapja e variantit 'Omicron' të COVID, OBSH thirrje: Personat me probleme shëndetësore dhe ata mbi 60 vjeç të shmangin udhëtimet