U shkarkua për një germë, SHBA-BE duan rikthimin në detyrë të prokurorit Genci Qana: Ulëritëse! As një shitëse buke s’mund të pushohet nga puna për një lapsus

U shkarkua për një germë, SHBA-BE duan rikthimin në detyrë të prokurorit Genci Qana: Ulëritëse! As një shitëse buke s’mund të pushohet nga puna për një lapsus

Përfaqësuesit e Shteteve të Bashkuara të Amerikës dhe Bashkimi Evropan Operacionin Ndërkombëtar të Monitorimit të procesit të Vetingut, për herë të dytë që pas nisjes së misionit në Tiranë, kanë kërkuar rikthimin në detyrë të prokurorit të Tiranës, Genci Qana, i cili është shkarkuar nga Komisioni i Pavarur i Kualifikimit, përmes një vendimi të diskutueshëm. Zakonisht, ONM-ja kërkon shkarkimin nga detyra të gjyqtarëve dhe prokurorëve, të cilët kalojnë shkallën e parë, siç ka ndodhur me Xhezair Zaganjorin, Bashkim Deden, Donika Prelën, Besim Hajdarmatajn, Gentjan Medja, Gentjan Osmani, Besnik Cani, Artur Malaj, Adnand Kosova, Kastriot Selita, Artan Madani, Alkelina Gazidedja, Genti Shala, Rilinda Selimi, Lindita Ziguri, Elbana Lluri, Mrinela Osmani, Elisabeta Imetraj dhe Gerd Hoxha etj.

Por, në rastin e ish-prokurores Antoneta Sevdari dhe prokurorit Genci Qana, ONM ka kundërshtuar shkarkimin e tyre nga detyra. Në 31 mars 2021, trupa gjykuese e shkallës së parë të Vetingut, Valbona Sanxhaktari, Xhensila Pine dhe Etleda Çiftja shkarkuan nga detyra prokurorin Genci Qana për dy arsye; Për një lapsus në mbiemrin e tij në vitet ‘96-’97, ku shkronja ‘n’ ishte bërë ‘m’ dhe për mos justifikim të pasurisë me vlerë 3.4 milionë lekë. Drejtoria e Sigurimit të Informacionit të Klasifikuar ka depozituar një raport në Komisionin e Vetingut, duke konfirmuar pastërtinë e figurës së prokurorit Genci Qana. Sipas raportit nuk ka asnjë informacion që mund të ngrinin dyshime mbi figurën e prokurorit.

Por, Komisioni i Vetingut ka bërë një hetim më të thelluar, duke konstatuar se prokurori kishte ndryshuar mbiemrin nga Qama në Qana, duke mos e deklaruar këtë ndryshim në formularin për kontrollin e figurës. Prokurori, pas kalimit të barrës së provës për këtë gjetje, ka deklaruar se nuk e ka ndryshuar kurrë mbiemrin “Qana”. Po çfarë ka ndodhur? Në 20 maj 1996, familja e prokurorit Qana është zhvendosur me gjendje civile nga Berati në Tiranë. Gjatë hedhjes së të dhënave në momentin kur punonjësja e gjendjes civile në Tiranë ka plotësuar me shkrim dore fletën përkatëse ka shkruar gabimisht mbiemrin ‘Qama’, në vend që ta shkruante ‘Qana’. Ky gabim material i bërë prej saj, është korrigjuar në 25 shkurt 1997. Pra, mbiemri i gabuar ka ngelur i regjistruar vetëm për një periudhë prej rreth 8 muaj dhe, menjëherë, pasi është vënë re, mbiemri është korrigjuar duke shënuar mbiemrin e saktë.

Kur prokurori Genci Qana ka dorëzuar formularin e deklarimit për kontrollin e figurës, pyetjes a keni pasur emër tjetër më parë, i i është përgjigjur me “jo”. Sipas Komisionit të Vetingut, prokurori ka qenë në dijeni të ndryshimit dhe duhet të kishte shpjeguar ndryshimin, siç ishte e vërteta. “Shpjegimi i subjektit se është njohur për herë të parë me këtë fakt pas rezultateve të hetimit në vlerësim të trupit gjykues nuk është bindës për sa korrigjimi i të dhënave të gjendjes civile bëhet me kërkesën e palës së interesuar dhe se subjekti ka pasur mundësitë reale të vënies në dijeni të këtij fakti në momentin e bërjes së korrigjimit në gjendjen civile përkatëse. Ndërkohë me nënshkrimin e deklaratës së kontrollit të figurës, subjekti ka qenë i vetëdijshëm se mosplotësimi i saktë dhe me vërtetësi i deklaratës për kontrollin e figurës mund të pasjellë shkarkimin nga detyra të subjektit të rivlerësimit sipas ligjit nr. 84/2016”, thuhet në vendimin e KPK-së, për shkarkimin e prokurorit Qana.

Operacioni Ndërkombëtar i Monitorimit, përfaqësuar në këtë çështje nga vëzhguesi Steven Kessler, ka hartuar një mendim paralel, kundër vendimit të KPK-së, për shkarkimin e prokurorit. Mendimi paralel i vëzhguesit ndërkombëtar përmban kritika të forta deri në zemërim. Sipas Steven Kessler është ulëritëse që të shkarkosh një prokuror për një gabim me shkrim dore të dikujt tjetër. Vëzhguesi ndërkombëtar Steven Kessler thotë se vendime të tilla të bazuara në fakte jashtëzakonisht të parëndësishme, nuk rrisin besimin e publikut tek Vetingu.

“Kjo pjesë e gjykimit është e vështirë të pranohet sepse nuk ka asnjë pretendim se subjekti i vlerësimit ose anëtarët e familjes së tij të kenë përdorur ndonjëherë mbiemrin ‘Qama’ për ndonjë avantazh të padrejtë, e lëre më për ndonjë qëllim tjetër. Për më tepër, ne e dimë se familja përdori gjithmonë  emrin "Qana" dhe se korrigjimi i bë brenda disa muajsh. Kjo sekuencë mbështet fuqimisht përfundimin se ishte thjesht një gabim i vogël, duke ngatërruar një "n" me një "m". Askush, jo një prokurori me përvojë,  por le të themi as një vajzë që punon në një furrë buke - nuk duhet të shkarkohet nga detyra bazuar në fakte të tilla jashtëzakonisht të parëndësishme. T’i veshësh këto fakte me lugë këpucësh në nenin 61 (3) dhe t’i kategorizosh si deklarim i pamjaftueshëm, është korruptim qoftë i kuptimit, qoftë i qëllimit legjitim të kërkesës për deklarim të plotë. Ekzistojnë të gjitha arsyet për të konkluduar se subjekt i vlerësimit nuk kishte asnjë motiv për të mashtruar Komisionin për një gabim të vogël të një nëpunësi, bërë vite më parë. Të përdorësh këtë si bazë për pushimin nga puna është plotësisht e paarsyeshme. Shkarkimi i Qanës në këto rrethana nuk do të promovojë as besimin e publikut shqiptar në procesin e Vetingut dhe as integritetin e sistemit të drejtësisë”, ka arsyetuar Steven Kessler.

Vëzhguesi ndërkombëtar ka hedhur poshtë edhe pretendimet e Komisionit të Vetingut se prokurori Genci Qana nuk ka mungesë burimesh financiare me vlerë 3.4 milionë lekë. Steven Kessler tha se prokurori Qana, ndryshe nga gjyqtarët dhe prokurorët e tjerë, solli dokumente që provonin punësimin dhe pagën e bashkëshortes së tij dy organizata dhe në një strehë për gratë e dhunuara në vitet 1998-2001. Sipas vëzhguesit, prokurori ka paraqitur kopje të kontratës së punës, dëshmi të pagesës së kontributeve shoqërore nga kompania dhe një vërtetim të kompanisë se ka paguar taksat. Steven Kessler konkludon se nuk ka asnjë arsyer për të shkarkuar nga detyra prokurorin Genci Qana. Prokurori aktualisht është i pezulluar. Vendimi përfundimtar do të merret nga Kolegji i Apelimit, gjithnjë nëse Qana do ta ankimojë, në të kundërt shkarkimi merr formë të prerë.

(Kliko këtu për mendimin e vëzhguesit ndërkombëtar Steven Kessler kundër shkarkimit të prokurorit Genci Qana)

(Kliko këtu për vendimi e KPK-së për shkarkimin nga detyra të prokurorit Genci Qana)

 

 

K.T./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Vetingu leshit: 20/07/2021 06:39

    Asnje nuk e kalon vetingun asnje sduhet te jete ne sistem. Turp per

    Përgjigju
  • Ana: 20/07/2021 06:31

    Perceptimi për gjyqtarë e prokurorë në Shqipëri është që janë të gjjthë tē korruptuar dhe kur del ndonjë i tillë si ky Qana na duket dhe ky si të tjerēt. Në fakt në Shqipëri me atë rrumpallhane e informalitet total, dhe një që mbledh kanaçe në rrugë, nuk mund ta kalojë Vetingun, e jo më gjyqtarë, prokurorë, doganierë, tatimorë, mjekë, policë, ministra, deputetë, kryetarë bashkish, e lloj lloj profesionesh gllabëruese në shtet. Ky Qana mund të jetë i ndershëm e profesionist, por llumi i madh që është në Shqipëri, e bën pjesë të vetën dhe duket si të tjerët.

    Përgjigju
  • Pashai: 20/07/2021 03:02

    Na ishte nje here vettingu.... Se pari, vetting-un nuk e kalon asnje, qofte gjyqtar apo prokuror. Jane te gjithe te korruptuar ne nje forme apo tjeter. Ato qe gjasme e kane kaluar, eshte tregues i sofistikimit te korruptimit. Aq sa kane qepur te gjitha letrat, kuptohet ne 100% me falsifikime deklaratash noteriale. Zyrtaret po se po, sidomos ato ne nivel Kryeminister apo minister. Mjafton nje poligraf dhe gajaset dynjaja. Ky piskuriqi Qana, aq i trashe eshte sa ska levizur asnje gje per tu mbrojtur. Por po e ben tani nga zori.

    Përgjigju
  • Sfk: 19/07/2021 21:48

    Çudi që SHBA dhe BE tolerokan për disa milionë të pajustifikuara ??? Shumë e çuditshme?? Ndoshta lepuri fshihet diku tjetër...

    Përgjigju
  • Keno: 19/07/2021 19:30

    Antaret e KPK duhen hetuar pak me ne hollesi se po kalojn Besim Hajdarmaten e Elisabeta Imerajn qe kane pasur mangesi vertet te dukshme. Nga shume vendime qe kane marre duket qe mbajn shume ne favore. Patjeter shoqerit e partneritetet qe kane pasur ne te kaluaren.

    Përgjigju
  • Tiku: 19/07/2021 18:02

    Sa kane ikur si puna e ketij zoterise. Mire qe e hapen nje here gojen nderkombetaret. E kane bere gjykimin e vettingut sikur jemi ne vendet e evropes perendimore. Jo zoteri, gjykimi duhet bere ne kushtet e shqiperise dhe duke patur parasysh ligjin dhe jo dyshimet. Kane hequr nga puna magjistrate se me demek nuk justifikojne 5 mije euro, labaresisht se kane qene shume te pregatitur.

    Përgjigju
  • Eeeeeehhaaaaa: 19/07/2021 17:43

    Fiks per nje Gërme nga Petrit ne Petrrit per nje 0 nga 100,000 ne 1,000,000 Ky Paska bo ndryshim emri ky thote per nje germë

    Përgjigju
  • Fkfkfj: 19/07/2021 17:35

    Pra po tha 1 nga 8 vezhguesit ashtu, konsiderohet se "SHBA dhe BE kerkojne rikthimin"?! Po 7 te tjeret ku ngelin e cfare kerkojne?! Jeni medioker te shitur.

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Me floririn e Kërrabës ka minierë në Kongo', avokat Beqiri për Ilir Metën: Me akrobacitë majë shtyllës do të thotë se jam i sëmurë psiqik

'Me floririn e Kërrabës ka minierë në Kongo', avokat Beqiri për Ilir Metën: Me akrobacitë majë shtyllës do të thotë se jam i sëmurë psiqik