U vetëplagos në dorë me pistoletë, arrestohet 38-vjeçari në Fier! Pranga edhe një 55-vjeçari në Durrës për kanosje me thikë

Një 38-vjeçar është arrestuar në qytetin e Fierit për shkak se gjatë natës, në një lokal në lagjen “29 Nëntori”, është vetëplagosur në dorë me një armë zjarri pistoletë tip TT. I arrestuari është E.N dhe gjatë kontrollit policia i ka gjetur edhe armën e zjarrit si dhe 7 fishekë të cilat u sekuestruan në cilësinë e provës materiale së bashku me armën e zjarrit. 38-vjeçari tashmë do të përballet me akuzën për veprën penale "Armëmbajtje pa leje".

Po kështu një tjetër person është arrestuar në Durrës për mbajtjen pa leje të armëve të ftohta. Në pranga ka rënë N. M., 55 vjeç, banues në Durrës, i cili ka kanosur K. R., 41 vjeç, banues po në Durrës. Fatmirësisht pranë vendit të ngjarjes ka qenë një patrullë policie të cilët kanë ndërhyrë duke parandaluar përshkallëzimin e mëtejshëm të konfliktit. I arrestuari është N. M., 55 vjeç, banues në Durrës, i cili ka kanosur K. R., 41 vjeç, banues po në Durrës. Policia ka sekuestruar thikën ndërkohë që i arrestuari do të përballet me akuzën për veprat penale "Mbajtja, blerja apo shitja pa leje e armëve të ftohta” dhe "Kanosja".

TAG:
• arrestim
• Durres
• Fier
• arme
• thike