Ulen temperaturat, nisin reshjet e dëborës në Kukës, Korçë dhe Librazhd

Ulja e temperaturave ka sjellë dhe rinisjen e reshjeve të dëborës në Kukës dhe në Librazhd. Dëbora ka nisur pasditen e sotme duke bërë që këto qytete të shtrohet një qilim i bardhë. Deri më tani akset rrugore nuk kanë probleme dhe nuk ka bllokim të tyre për qarkullimin e mjeteve.

Në qytetin e Librazhdit kjo është dëbora e parë për 2021, ndërsa në Kukës trashësia e dëborës ka shkuar deri në 5 cm.

Reshje dëbore ka pasur edhe shpatet malore të segmentit Fushë-Dukagjin të Rrugës së Kombit, por pa probleme në lëvizjen e automjeteve.

Lëvizja në akset rrugore nacionale dhe ato bashkiake nuk paraqesin problem pasi akset janë të qarkullueshme. Kompania kontraktore e rrugëve ndodhet në gatishmëri për lirimin e rrugëve me borëpastruese, ndërsa policia apelon qytetarët që të jenë të pajisur me goma dimërore, të respektojnë sinjalistikën rrugore dhe të ulin shpejtësinë.

Rendit zhvillimet sipas orarit:
Ora 20:26
Korça përfshihet nga reshjet dëbore e temperatura të ulëta, rrugët e lira për qarkullim

Korça është përfshirë nga reshjet e dëborës, që po bien me intensitet mesatar. Dëbora ka përfshirë edhe Qafë Pllocën dhe Qafën e Qarrit ku deri më këto momente trashësia e borës ka shkuar nga 2 deri në 5 cm.

Sipas zyrtarëve të autoritetit lokal të rrugëve nacionale akset momentalisht nuk paraqesin probleme ndërsa bëjnë me dije se mjetet kontraktore ndodhen në terren për mbarëvajtjen e situatës.

Ndërkohë sektori i qarkullimit rrugor u bën thirrje drejtuesve të mjeteve për kujdes maksimal në të gjitha akset pasi rrugët kanë prezencë të borës dhe lagështisë.

I.K./r.k./Shqiptarja.com
  • Sondazhi i ditës:

    “Pol i tretë?!” A duhet që 20 partitë e reja të bashkohen kundër PS, PD, LSI?

Komento


×

Lajmi i fundit

John

Babai, bashkëshorti, qytetari model, Lulzim Basha