Bypass i Elbasanit, ARRSH shpall fituese ofertën afër fondit limit! Skualifikon 4 ofertat me kosto më të ulët

Me një vlerë prej 81.46 mln lekë, Autoriteti Rrugor Shqiptar ka shpallur kompaninë fituese që do të hartojë projektin e bypassit të Elbasanit. Në garë morën pjesë 6 kompani, ndërkohë që fitues është shpallur kompania “A & E ENGINEERING“, një nga operatorët ekonomikë që ofertoi çmimin më të lartë. Më konkretisht, 4 nga kompanitë pjesëmarrëse propozuan një çmim më të ulët, por janë vlerësuar me më pak pikë nga Komisioni i Vlerësimit të Ofertave.

Ndërkaq, oferta fituese është shumë pranë fondit limit prej 81.83 mln lekë të vendosur në dispozicion nga ARRSH për kryerjen e këtij shërbimi. Referuar kritereve të tenderit, pas nënshkrimit të kontratës kompania do të ketë në dispozicion 22 muaj për hartimin e projektit. Kjo do të thotë se vetëm pas 2 vitesh do të mund të hapet tenderi për përzgjedhjen e kompanisë që do të kryejë punimet për ndërtimin e kësaj vepre infrastrukturore, ndërkohë që kohëzgjatja e tyre ende nuk dihet.

Gjatë shpalljes së garës, në dokumentet e tenderit thuhej se ky është një nga akset më të rëndësishëm jo vetëm rrugorë, por edhe nga pikëpamja ekonomike. Ai është pjesë e Korridorit VIII, duke lidhur Portin e Durrsit me Qafë Thanën. Sipas dokumente të tenderit, unaza aktuale e qytetit të Elbasanti, nuk ka parametrat e nevojshëm për të përballuar trafikun në rritje të këtij korridori ndërkombëtar.

“Prandaj dhe është më se e nevojshme studimi dhe ndërtimi i ByPass-it të qytetit të Elbasanit, duke shmangur kështu zonat urbane, rritjen e kapacitetit të lëvizjes së trafikut përgjatë korridorit VIII si dhe rritjen e sigurisë si për përdoruesit e rrugës, ashtu edhe të banorëve të zonave përreth, që ndikohen nga ky aks rrugor”, – thuhej ndër të tjera në dokument./Scan

Ofertat e operatorëve ekonomikë, pjesëmarrës në garë
1. BOE “ARCHICPHACE” & “TAULANT SHPK” & “A V E CONSULTING”
Oferta          73,495,346.28 lekë, pa TVSH
2. BOE “P.C.S.COMPANY” & “INVICTUS” & “STUDIO-REBUS”& “HYDRO-ENG-CONSULTING”
Oferta          74,905,000.00 lekë, pa TVSH
3. BOE “SEED CONSULTING” & “ATELIER 4” & “DERBI-E”
Oferta          75,294,000.00 lekë, pa TVSH
4. BOE “INFRATRANSPROJECT” & “ENGINEERING CONSULTING GROUP”
Oferta          78,840,000.00 lekë, pa TVSH
5. OE “A & E ENGINEERING sh.p.k”
Oferta          81,460,000 Lekë pa TVSH
6.“GJEOKONSULT & CO”
Oferta          81,800,000.00 lekë, pa TVSH

A.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Maks: 31/01/2023 13:13

    Epo shume mire. Tashme tenderat fitohen kush ka oferten me te larte, dhe sigurisht bekimin e don Rames. Akoma me interesant eshte kur reklamohet se do e lidhe me portin e Durresit....kur ky i fundit do zhduket nga faqia e dheut!

    Përgjigju
  • Olsi: 31/01/2023 13:05

    Qeveri antikombetare. Duhen edhe dy vjet qe te perfundoje studimi, e pastaj kismet se kur mund te perfundojne punimet per aksin me te rendesishem kombetar e nderkombetar qe kalon ne Shqiperi. Kurse tunelin e Samir Manes, qe vetem dy muaj ne vit do perdoret, e bene per pune muajsh.

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Shqiptari arratiset nga burgu në Zvicër

Shqiptari arratiset nga burgu në Zvicër