Unaza e Madhe, PD: ARRSH ushqen me miliarda klientët e qeverisë! Fituesi i tenderit është paracaktuar, pse po vonojnë të shpallin rezultatin?

Projekti i Unazës së Madhe

Deputeti i Partisë Demokratike, Helidon Bushati ka hedhur akuza në drejtim të ARRSH-së, sipas së cilit ka bërë një “lojë të pisët” me procedurat tenderuese sa i përket 7 loteve të Unazës së Madhe.

Sipas tij këto tendera, janë një Pazar i ARRSH-së me kompanitë në pronësi të njerëzve të lidhur me qeverinë dhe se tashmë është mbyllur më 15 shtator dhe shpallja e fituesit po vonohet me qëllim.

Deputeti i PD, përmes rrjetit te tij social Facebook, shkruan se 7 segmente rrugore te njëpasnjëshme, nga të gjitha anët janë te ngjashëm, por kriteret e vendosura janë jashtëzakonisht te ndryshme nga njeri tjetri, që sipas tij do te thotë se janë kritere qe plotësohen vetëm nga fituesit e paracaktuar.

Bushati shprehet se Partia Demokratike por dhe Institucionet ndërkombëtare, kanë shprehur në mënyrë të vazhdueshme kritikat e tyre ndaj mungesës së konkurrencës dhe transparencës në tenderat e zhvilluar në Shqipëri.

"E pyesim ARRSH-në: A do te anullohet Loti 1 i parashikuar për nje nder klientet me te afert te Kryeministrit qe aktualisht po punon ne segmente te Unazes se Re ne ndertim e siper?  Perse Loti 1 nuk shfaqej dhe nuk shfaqet fare ne faqen elektronike te Agjensise se Prokurimit?  A do te ndodhe ky fenomen me Lotin 1 sepse kjo kompania e paramenduar te fitoje harroi te dorëzojë letrat ne këtë tender?   Po me Lotin 3 “Sheshi Shqiponja - Bulevardi i ri - Shkozë, Urat mbi lumin Tirana” çfarë do te ndodhe?  A do t’i jepet edhe ky tender dy kompanive te paracaktuara?”, shkruan ai.

Sipas tij cdo qytetar edhe ai që nuk ka ekperiencë në këtë fushë e kupton se këto kritere janë vënë për të përcaktuar fituesin e radhës.

“Çfarë do te beje ARRSH-ja për të mbajtur premtimet ndaj kompanive të paracaktuara fituese?”, pyet ai në fund.

Kjo nuk është hera e parë që Helidoni hedh akuza të ngjashme lidhur me tenderat e Unazës së Madhe.

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Sipas jush pas zhvillimit të dy Kuvendeve PD do të jetë?



×

Lajmi i fundit

John

SHBA do të shtyjë Gjermaninë që të ndalojë Nord Stream 2 nëse Rusia sulmon Ukrainën