POP 5

Lajmet më të lexuara të 5 minutave të fundit

Bota

‘USAID’, ligjvënësit demokratë protestojnë në Uashington, iu bashkuan edhe senatorët! Marco Rubio mori drejtimin

Ligjvënësit demokratë dhe punonjës të USAID në SHBA protestuan përpara selisë së agjencisë në Uashington, kundër lëvizjeve të administratës Trump, për t’i larguar ata me qëllim reformimin e agjencisë. Sekretari i Shtetit Marco Rubio është drejtuesi i saj, ndërsa emërimi i tij në këtë detyrë duket se linjëzon fondet amerikane që shpenzohen nëpër botë, me politikën e saj të jashtme

Ligjvënësit demokratë dhe punonjës të USAID në SHBA protestuan përpara selisë së agjencisë në Uashington, kundër lëvizjeve të administratës Trump, për t’i larguar ata me qëllim reformimin e agjencisë.

Tashmë Sekretari i Shtetit Marco Rubio është drejtuesi i saj, ndërsa emërimi i tij në këtë detyrë duket se linjëzon fondet amerikane që shpenzohen nëpër botë, me politikën e saj të jashtme.

Ligjvënës demokratë iu bashkuan protestës jashtë zyrave të USAID-it pasditen e së hënës (3 Shkurt), kundër përpjekjeve të administratës Trump për të mbyllur agjencinë e ndihmës së huaj USAID. Përfaqësues si Gerald Connolly, Don Beyer dhe Jamie Raskin folën jashtë ndërtesës së agjencisë së bashku me senatorët Chris Van Hollen dhe Christopher Murphy.

Shumica e punonjësve të USAID-it iu tha të mos paraqiteshin në selinë e agjencisë në Uashington të hënën dhe të punonin në distancë, sipas një e-mail-i drejtuar personelit që ‘Reuters’ kishte parë.

Miliarderi Elon Musk, i cili po drejton përpjekjet e Presidentit të SHBA Donald Trump për tkurrjen e qeverisë federale, dha një përditësim mbi përpjekjet herët të hënën, duke thënë se po punohet për mbylljen e agjencisë amerikane të ndihmës së huaj, USAID.

Më pas Sekretari i Shtetit Marco Rubio njoftoi se ai është emëruar si drejtues i agjencisë, e cila tashmë do të jetë nën drejtimin e DASH. Mediat më të mëdha në SHBA thonë se tashmë do të nisë procesi i reformimit të agjencisë, ndërsa lëvizja kryesore krahas shkurtimit të fondeve dhe shpenzimeve do të jetë linjëzimi i fondeve në politikën e jashtme amerikane.

A.Q/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 7 Shkurt, 09:13

    Si e vlerësoni kushtin e PD që diaspora të votojë me dokumente të huaja?

Lajme të tjera



×

Lajmi i fundit

Mashtruan biznesmenin nga Lushnja i morën 6 mijë euro, arrestohet dhe i dyti! Në banesë i gjejnë 4500 euro

Mashtruan biznesmenin nga Lushnja i morën 6 mijë euro, arrestohet dhe i dyti! Në banesë i gjejnë 4500 euro

8 Shkurt, 13:49