Përcillet nesër për në banesën e fundit vajza e shkrimtarit Shevqet Musaraj, Lindita, humbi jetën nga Covid

Përcillet nesër për në banesën e fundit vajza e shkrimtarit Shevqet Musaraj, Lindita, humbi jetën nga Covid

Lindita Musaraj dhe bashkëshorti Ylljet Aliçkaj

Koronavirusi i ka marrë jetën në moshën 70-vjeçare Lidita Musaraj Aliçka, vajzës së shkrimtarit Shevqet Musaraj. Lajmin për ndarjen nga jeta të saj e kanë bërë me dije të afërmit e së ndjesës, e cila nuk e fitoi betejën me koronavirusin. Mësohet se ajo ka ndërruar jetë në një spital ku po kurohej në Gjermani.

Lindita Musaraj është bashkëshortja e shkrimtarit të njohur Ylljet Aliçkaj, i cili ka shërbyer dhe si ambasador i Shqipërisë në Francë. Rreth 1 muaj më parë 70-vjeçarja, humbi dhe nënën e saj Ervehe Musaraj, e cila u shua po nga Covid-19 në moshën 95-vjeçare.

Një dhimbje shumë e madhe për autorin Ylljet Aliçkaj, i cili ka humbur bashkëshorten dhe vjehrrën brenda një muaji nga koronavirusi.

Duke falenderuar për ngushëllimet e shumë të njohurve në rrjete sociale, vajza Julia Aliçka njofton se përcjellja për në banesën e fundit bëhet nesër, me 28 nëntor:

“Të dashur miq, Ju falenderojmë për ngushëllimet tuaja të ngrohta. Ju njoftojmë se përcjellja për në banesën e fundit (Sharrë), e bashkëshortes, nënës dhe gjyshes së shtrenjtë Lindita Musaraj-Alicka bëhet ditën e dielë, 28.11.2021, ora 12:00, nga shtëpia. Adresa Rr. Dervish Hima, ish-pallati Klan, Tiranë”

Rediaksia e Shqiptarja.com dhe Report TV i shpreh ngushëllimet më të sinqerta familjes Aliçka-Musaraj

/a.m./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Ish-ministri i Shëndetësisë, Ilir Beqaj paraqitet në SPAK

Ish-ministri i Shëndetësisë, Ilir Beqaj paraqitet në SPAK