Zjarrfikësi hero që rrezikoi jetën për të shpëtuar qenin e ngecur në shkëmb flet për Report TV: Kishte 7 ditë pa ngrënë e pa pirë (VIDEO)

Zjarrfikësi nga Elbasani, Florenc Elezi ka bërë të lumtur dy krijesa të pafajshme, një vajzë me aftësi ndryshe dhe një qen të ngecur në shkëmb prej 7 ditësh.

Gjithçka nisi me një telefonatë nga nëna e Fionës, e cila mori zjarrfikëset se një qen kishte ngecur rrëze një shkëmbi dhe rrezikonte të ngordhte.

Fiona, vajza me aftësi ndryshe kishte dëgjuar për ditë me rradhë të qarën e qenit dhe i kishte thënë mamasë së saj që ta shpëtonin.

Pas telefonatës, zjarrfikësit mbërritën në shkëmbin ku kishte ngecur qeni dhe e shpëtuan.

Florenci pranoi të ulej poshtë shkëmbit me anë të një litari që ta shpëtonte, duke rrezikuar edhe jetën e tij.

"Me anë të një telefonate nga qytetari ne e morëm vesh rastin. Qeni kishte 7 ditë pa ngrënë e pa pirë, kishte ngecur atje dhe duhej shpwtuar, por për këtë jemi për të shpëtuar gjithçka. Kur erdhëm në repart ishte vajza me lule për ne", është shprehur Elezi për Report TV.

Florenci jeton në Elbasan dhe prej 6 vitesh bën rrugën vajtje-ardhje për në Gramsh, aty ku ka edhe punën për të qenë në krye të detyrës.

Jeta e tij është e lidhur me një profesion shumë fisnik.

Pas ketij gjesti human ai mori një shpërblim, një buqetë me lule dhuruar nga Fiona per zjarrfiksin e saj hero në shenjë falenderimi.

Tashmë vogëlushen Fiona nuk e mundon më e qara e qenit dhe tashmë ai ndodhet në gjendje shumë të mirë.

/b.ha./Shqiptarja.com

TAG:
• gramsh
• zjarrfikës
• florenc elezi