Europa përshpejton kurse SHBA-ja ngadalëson. Vaksina e koronavirusit e zhvilluar nga Universiteti i Oksfordit dhe AstraZeneca ndan dy kontinentet.
Ndërsa nga njëra anë EMA (agjencia europiane e ilaçeve) është e gatshme të rifillojë ekzaminimin e vaksinës, Fda (agjencia amerikane) ka kërkuar informacion të mëtejshëm pas ndalimit përkohësisht të provave klinike në shtator kur te një prej vullnetarëve që kishin administruar vaksinën u zhvillua një sëmundje e rëndë neurologjike.
Ajo do të shqyrtojë të dhënat nga provat e mëparshme të vaksinave të ngjashme të zhvilluara nga të njëjtët shkencëtarë. Hetimi mund të ngadalësojë më tej zhvillimin e vaksinës të hartuar nga studiuesit e Universitetit të Oksfordit, një nga më të rëndësishmet në zhvillim. Administrata Trump ka premtuar 1.2 miliardë dollarë për të mbështetur zhvillimin e vaksinës AstraZeneca dhe për të garantuar 300 milionë doza për Shtetet e Bashkuara.
EMA drejt dritës jeshile
Agjencia Europiane e Barnave është gati të fillojë ekzaminimin e vaksinës të zhvilluar nga Universiteti i Oksfordit dhe AstraZeneca.
Fillimi i procedurës mund të fillojë që këtë javë. Ky është një përshpejtim i papritur edhe nëse autoritetet britanike kishin rifilluar ekzaminimin e vaksinës më pak se një javë pas ndërprerjes së saj.
Testet kanë rinisur gjithashtu në Afrikën e Jugut, Brazil dhe Indi. Drejtori i sektorit të vaksinave të EMA, Marco Cavaleri, kishte deklaruar se drita jeshile për rinisjen e testeve do të vinte pas verës dhe se miratimi i parë i një vaksine mund të vinte deri në fund të vitit.
Në kushte normale, duhen disa muaj që autoritetet të rishikojnë barnat e paraqitura nga prodhuesit. Në raste urgjente, siç është pandemia, fillohet një procedurë e shpejtë për të përcaktuar nëse do të autorizohet përdorimi i ilaçit, në këtë rast vaksinës antiCovid.
EMA ka filluar të analizojë të dhënat e vaksinës kundër Covid-19 të zhvilluar nga AstraZeneca dhe Universiteti i Oksfordit, që është dhe hapi i parë në procesin e miratimit të vaksinës antiCovid. Sipas agjencisë europiane të barnave, kjo është vaksina e pare kandidate që arrin këtë fazë.
Sipas EMA, kjo nuk do të thotë se kanë përfunduar verifikimet mbi efikasitetin dhe sigurinë e vaksinës, pasi shumica e të dhënave duhet të analizohen ende nga CHMP (Komiteti për Produkte Medicinale për Përdorim Njerëzor).
Autoritetet e agjencisë europiane të barnave theksuan se po analizon të dhënat laboratorike dhe jo ato klinike të vaksinës së Oksfordit.
Vendimi për të filluar testimin e vaksinës së AstraZeneca dhe Oksfordit bazohet në rezultatet paraprake të studimeve jo-klinike dhe klinike për prodhimin e antitrupave dhe qelizave T (qelizat e sistemit imunitar, d.m.th. mbrojtjet natyrore të trupit) që synojnë virusin Covid.
Provat klinike të vaksinës në shkallë të gjerë mbi mijëra njerëz të vaksinës janë duke u zhvilluar dhe rezultatet do të jenë në dispozicion në javët dhe muajt e ardhshëm. Këto do të japin informacion se sa efektive është vaksina në mbrojtjen nga Covid-19.
Vaksina e AstraZeneca dhe Oksfordit është një nga më të përparuara në prova.
Sot Bashkimi Evropian gjithashtu ka dhënë alarmin për rrezikun nga gripi i shpendëve. Autoriteti Europian i Sigurisë së Ushqimit dhe Qendra Europiane e Parandalimit dhe Kontrollit ka deklaruar sot se "Vendet e BE duhet urgjentisht të intensifikojnë mbikëqyrjet dhe masat e biosigurisë për të parandaluar epideminë e re të mundshme të gripit të shpendëve”.
Lajme të tjera
-
Frikë nga fruthi, prindërit po nxitojnë të vaksinojnë fëmijët! Shifrat u rriten me 50%
31 Janar, 17:30
-
Rritja e rasteve me COVID-19 rikthen mbajtjen e maskave në disa spitale në SHBA
4 Janar, 22:59 -
Shtrimet në spitale në 2022 u shtuan 8% pas pandemisë! Fluksi më i lartë në kardiologji dhe psikiatri
4 Maj 2023, 07:45 -
Java Evropiane e Imunizimit, Ministrja e Shëndetësisë: Mbi 4500 vajza janë vaksinuar kundër HPV
28 Prill 2023, 14:27 -
Gjermani/ Padi për dëme të shkaktuara nga vaksinat ndaj virusit Covid-19
14 Prill 2023, 07:44 -
Dërgoi mjekë gjatë pandemisë në Itali, Rama mori çmimin ‘Urdhri i Minervës”: Nder i madh! Modeli i humanizmit është dëshmuar shpesh drejt Shqipërisë
1 Mars 2023, 21:02 -
Dita Botërore Kundër Kancerit, Manastirliu: Vaksina kundër HPV falas për 15 mijë vajza në vit
4 Shkurt 2023, 13:25 -
OKB: Shqetësime të mëdha për shkak të trafikimit të qenieve njerëzore
25 Janar 2023, 07:47 -
Refuzuan që foshnja e tyre të merrte gjak të vaksinuarish anti COVID para operacionit, gjykata mund t'u heqë kujdestarinë
7 Dhjetor 2022, 12:39 -
Ministrat e G20-s me fond miliardësh për pandeminë
13 Nëntor 2022, 11:39 -
EMA miraton vaksinën e modifikuar për Omicron-in
12 Shtator 2022, 22:54 -
EMA paralajmëron për një variant të ri të COVID-19 në dimër
2 Shtator 2022, 19:01
