Vaksina italiane kundër Covid-19, në vjeshtë nis testimi te njeriu

Vaksina italiane kundër Covid-19, në vjeshtë nis testimi te njeriu

Sipas gazetës italiane La Stampa, Kompanitë bioteknologjike Takis dhe Rottapharm Biotech po punojnë për një vaksine kundër Covid-19, të quajtur Covid-eVax. Dy kompanitë italiane synojnë të kryejnë testet e para të saj në vjeshtën e këtij viti.

Vaksina italiane Covid-eVax bazohet në injektimin e një fragmenti të materialit gjenetik të virusit në muskul, ku promovon sintezën e një pjese të proteinës Spike, pra proteinën që koronavirusi përdor për të sulmuar qelizat; në këtë mënyrë reagimi imunitar stimulohet si me prodhimin e antitrupave ashtu edhe në nivel qelizor, duke aktivizuar qelizat e sistemit imunitar.

Efikasiteti i procesit rritet me teknikën e elektroporeve, e cila favorizon kalimin e materialit gjenetik në qeliza në mënyrë të thjeshtë, të shpejtë dhe pa efekte anësore falë stimujve të butë dhe të shkurtër elektrikë.

Vaksina e Oksfordit, pritet testimi te 10 mijë vullnetarë

Ndërkohë, fillon në Brazil dhe Britani  faza e dytë dhe e tretë e eksperimentimit të vaksinës për të cilën Universiteti i Oksfordit po punon në bashkëpunim me kompaninë Advent Irbm. 5000 vullnetarë të shëndetshëm në Britaninë e Madhe janë përzgjedhur tashmë, po aq do të përshihen në testet që do të kryhen në Brazil. Faza e tretë do të përsëritet në Brazil pasi qarkullimi aktual më i ulët i virusit në Evropë e bën më kompleks monitorimin e efektivitetit të vaksinës nga shkencëtarët. 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Durrah City', Qeveria akordon 900 mijë euro për akademinë e futbollit

'Durrah City', Qeveria akordon 900 mijë euro për akademinë e futbollit