Varianti i ri i COVID, Mbretëria e Bashkuar ashpërson masat kundër pandemisë

Varianti i ri i COVID, Mbretëria e Bashkuar ashpërson masat kundër pandemisë

Kryeministri britanik, Boris Johnson

Autoritetet në Mbretërinë e Bashkuar njoftuan sot për masat e reja, që kanë për qëllim frenimin e përhapjes së variantit të ri të koronavirusit, Omicron, derisa zyrtarët shëndetësorë kanë thënë se “ka gjasa” që vaksinat ekzistuese të jenë më pak efektive ndaj këtij varianti.

Kryeministri britanik, Boris Johnson tha se të gjithë personat që hyjnë në shtet duhet të bëjnë test për koronavirus. Ai po ashtu paralajmëroi se është koha që të përshpejtohet dhënia e dozave përforcuese të vaksinës kundër koronavirusit.

“Ne do të kërkojmë nga të gjithë personat që hyjnë në Mbretërinë e Bashkuar që të bëjnë test PCR deri më së largu ditën e dytë të arritjes së tyre dhe të vetizolohen derisa nuk marrin rezultatin negativ”, tha ai në një konferencë për media.

Johnson po ashtu tha se edhe personat që kanë kontakte me të infektuarit, që dyshohet se janë infektuar me variantin Omicron, do të duhet të vetizolohen për dhjetë ditë. Po ashtu, ai tha se Qeveria do të ashpërsojë rregullat për mbajtjen e maskës dhe do të përshpejtojë programin e imunizimit me doza përforcuese.

Duke folur në konferencë së bashku me kryeministrin Johnson, shefi kryesor i shëndetësisë në Britani, Chris Whitty tha se ka gjasa të arsyeshme që varianti i identifikuar së fundmi në Afrikën e Jugut, do të jetë më i vështirë që të luftohet përmes vaksinave.

Më herët gjatë të shtunës, sekretari për Shëndetësi, Sajid Javid tha se dy raste të lidhura me variantin Omicron janë detektuar në Britani, pasi qytetarët kanë udhëtuar nga jugu i Afrikës.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Putin: Do të godasim F-16-të e përdorur kundër Rusisë kudo që të jenë! Mohon mundësinë për të sulmuar Evropën: Marrëzi

Putin: Do të godasim F-16-të e përdorur kundër Rusisë kudo që të jenë! Mohon mundësinë për të sulmuar Evropën: Marrëzi