Vdekja e punonjëses në landfillin e Shkodrës/ 61-vjeçarja nënë e 11 fëmijëve, skena u pa nga e motra! Drejtori: Dëgjova të bërtiturat

Vdekja e punonjëses në landfillin e Shkodrës/ 61-vjeçarja nënë e 11 fëmijëve, skena u pa nga e motra! Drejtori: Dëgjova të bërtiturat

Foto nga vendi i ngjarjes

SHKODËR- Katrinë Binaku, nëna e 11 fëmijëve nga fshati Pacram, humbi jetën në mënyrë tragjike në landfillin e Bushatit. 61 vjecarja, u dëmtua aksidentalisht gjatë procesit të te presimit të materialeve të riciklueshme në landfill.

Burime pranë grupit hetimorë të policisë së Shkodrës bëjnë më dije se ajo ka punuar së bashku me të motrën në landfill ndërkohe që ka qenë kjo e fundit që ka njoftuar menjëherë sapo ka parë të motrën që kishte marrë dëmtime ne pjesën e kolonës. Pavarësisht se është dërguar me urgjencë në spitalin e Shkodrës ajo nuk ka mundur t’i mbijetojë plagëve.

Katrina punonte prej 7 vitesh, në landfillin e Bushatit ndërkohë që së bashku me të punonte edhe motra e saj dhe I vëllai.

Në dëshminë e dhënë në policinë e Shkodrës, Drejtori i Landfillit, Agron Ceka ka deklaruar se ashtu si çdo ditë, “i kam përshëndetur në mëngjes, ndërkohe që rreth orës 10 kam dëgjuar të bërtiturat e së motrës, kam dal me shpejtësi nga zyra kemi parë që kishte marrë plagë në pjesën e kolonës, kemi fikur me shpejtësi makinerinë dhe i kemi dhënë ndihmën e parë ndërkohe që kemi thirrur edhe ambulancën. Ngjarja është e rëndë dhe fatkeqësisht 61 vjecarja humbi jetën”.

Në landfilldin e Bushatit pjesa më e madhe e makinerive janë automatike dhe vihen në punë në bazë të komandave. Deri më tani nuk ka pasur raste të humbjes së jetës në mënyrë aksidentale të punonjësve përveç kësaj ngjarjeje të fundit.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Ekskluzive/ 26 vite Ipeshkv i Shkodrës, Massafra rrëfen për Report Tv arsyet e dorëheqjes! Mesazhet për të rinjtë

Ekskluzive/ 26 vite Ipeshkv i Shkodrës, Massafra rrëfen për Report Tv arsyet e dorëheqjes! Mesazhet për të rinjtë