Një pushuese nga Kalifornia ka humbur jetën tragjikisht. 21 vjeçarja Jordan Lindsey u sulmua nga tre peshkaqenë teksa ishte zhytur në thellësitë e oqeanit në Bahamas.
Ajo kishte udhëtuar drejt Bahamasit me familjen e saj. Lindsey po udhëtonte në një barkë me familjen e saj në ishull për zhytje dhe për të parë derrat e egër, kur u shfaqën peshkaqenët.
21 vjeçarja pësoi lëndime fatale nga sulmi në dy krahët e saj, këmbët dhe në pjesën e pasme.
Prindërit kanë parë gjithë ngjarjen e tmerrshme. Ata kanë pohuar se kanë bërtitur për ta paralajmëruar se po vinin peshkaqenët, por vajza nuk mundi të dëgjonte.