Vdes Colin Powell, ishte i infektuar me COVID, Sekretari i parë i Shtetit në SHBA me ngjyrë! Vizitoi Shqipërinë në vitin 2003 e mori medaljen “Gjergj Kastrioti- Skërnderbeu”

Colin Powell

SHBA-Colin Poëell, sekretari i parë me ngjyrë i Shteteve të Bashkuara të Amerikës, udhëheqja e të cilit në disa administrata republikane ndihmoi në formimin e politikës së jashtme amerikane në vitet e fundit të shekullit të 20-të dhe vitet e para të 21-tës, ka vdekur nga komplikimet nga COVID-19.

"Gjenerali Colin L. Powell, ish -sekretari amerikan i Shtetit dhe Kryetar i Shtabit të Përgjithshëm të Ushtrisë, vdiq këtë mëngjes për shkak të komplikimeve nga Covid 19. Ne kemi humbur një burrë, baba, gjysh dhe një amerikan të mrekullueshëm dhe të dashur," shkroi familja Poëell në Facebook, duke vënë në dukje se ai ishte plotësisht i vaksinuar.

Colin Powell ka vizituar Shqipërinë në vitin 2003, kur ishte Sekretari amerikan i Shtetit, Ai u prit nga kryeministri i atëhershëm Fatos Nano si dhe zëvendëskryeministri dhe ministri i jashtëm Ilir Meta. Takimin e parë, Sekretari amerikan i Shtetit e pati në selinë e presidencës, me presidentin e republikës, Alfred Moisiu. Presidenti i Shqipërisë i akordoi Sekretarit amerikan të Shtetit medaljen “Gjergj Kastrioti - Skërnderbeu”. Më pas Sekretari amerikan, Poëell, bëri një takim kokë më kokë me kryeministrin Fatos Nano dhe pas disa minutash në praninë e medias nënshkruan marrëveshjen mes qeverisë së Shqipërisë dhe qeverisë së Shteteve të Bashkuara të Amerikës, në lidhje me mosdorëzimin e qytetarëve amerikanë në Gjykatën Ndërkombëtare Penale.

Colin PoWell (i lindur Colin Luther Poëell më 5 Prill 1937) ishte një burrë shteti Amerikan dhe gjeneral me katër yje në pension i Ushtrisë së Shteteve të Bashkuara i cili shërbeu si kryetar i Shefave të Përbashkët të Shtabit gjatë Luftës së Gjirit Persik. Nga 2001 deri në 2005, ai shërbeu nën Presidentin George Ë. Bush si sekretari i 65-të i Shtetit të Shteteve të Bashkuara, i pari Afrikano-Amerikan që mbajti atë pozitë.

Prindërit e tij emigrantë xhamajkanë, Maud Arial McKoy dhe Luther Theophilus PoWell, ishin të dy me origjinë të përzier afrikane dhe skoceze. I rritur në South Bronx, PoWell u diplomua nga Shkolla e Mesme Morris në 1954. Ai më pas ndoqi Kolegjin e Qytetit të Neë York-ut, duke u diplomuar në 1958 me një diplomë Bachelor të Shkencave në Gjeologji. Pasi shërbeu për dy turne në Vietnam, Powell vazhdoi shkollimin në Universitetin George Washington në Washington, D.C., duke fituar një MBA në 1971.

FAKTE TË SHPEJTA: COLIN POWELL

  • Njihet për: Burrë shteti Amerikan, gjeneral në pension me katër yje, kryetar i Shefave të Përbashkët të Shtabit, këshilltar i sigurisë kombëtare dhe sekretar i shtetit
  • Lindur: 5 Prill 1937 në Neë York City, Neë York
  • Prindërit: Maud Arial McKoy dhe Luther Theophilus Poëell
  • Arsimi: Kolegji i Qytetit të Neë York-ut, Universiteti George Ëashington (MBA, 1971)
  • Punimet e botuara:Udhëtimi im Amerikan, Ka punuar për mua: në jetë dhe udhëheqje
  • Çmime dhe nderime ushtarake: Legjioni i Meritës, Ylli i Bronzit, Medalja Ajrore, Medalja e Ushtarit, dy Zemra Vjollcë
  • Çmime dhe Nderime Civile: Medalja e Qytetarëve të Presidentit, Medalja e Artë e Kongresit, Medalja Presidenciale e Lirisë
  • Bashkëshorti: Alma Vivian Johnson
  • Fëmijët: Michael, Linda dhe Annemarie
  • Kuotim i dukshëm: "Nuk ka fund për të mirën që mund të bësh nëse nuk të intereson kush e merr kredinë."

Rendit zhvillimet sipas orarit:
Ora 20:56
Ndarja nga jeta e ish-sekretarit të SHBA, Kim: Privilegj të punoja me të! Meta: Humbje e madhe! Basha: Respekt për figurën e tij

Ambasadorja e SHBA-së, Yuri Kim ka reaguar në lidhje me ndarjen nga jeta të ish-sekretarit Amerikan të Shtetit, Colin Powell, i cili humbi betejën me COVID-19. Përmes një postimi në Twitter, Kim shkruan se ishte një privilegj të punonte me Powell, ndërsa thekson se ai ishte mishërim i një amerikani të madh që dha këshillën e tij më të mirë që ta çonte kombin drejt një zgjidhjeje.

“Unë kisha privilegjin të punoja për të në sekretarinë e tij dhe pashë nga afër se si ai i dha të gjitha. Dhe aq i zënë sa ishte, ai gjithmonë gjente kohë për t’i dhënë një nxitje të vogël atyre që e rrethonin, për të na kujtuar nderin dhe përgjegjësinë e veçantë të shërbimit publik. U preftë në paqe. Colin Powell ishte mishërimi i një amerikani të madh, një njeriu që ia kushtoi jetën shërbimit të vendit tonë dhe inkurajimit të të tjerëve që të bëjnë të njëjtën gjë. Cilado qoftë sfida dhe kishte shumë, ai u përpoq t’i jepte Presidentit këshillën e tij më të mirë dhe ta çonte kombin drejt një zgjidhjeje.”, shkruan Kim.

Një reagim ka pasur edhe nga presidenti Ilir Meta, i cili e konsideron një humbje të madhe për SHBA dhe kombin tonë, teksa shkruan se Powell ka qenë gjithmonë mbështetës për anëtarësimin e Shqipërisë në NATO dhe për Pavarësisë së Kosovës.

"Ndarja nga jeta e ish-Sekretarit Amerikan të Shtetit, Colin Poëell është një humbje e madhe edhe për vendin dhe kombin tonë. Një mik i jashtëzakonshëm, i paçmuar, gjithmonë mbështetës për anëtarësimin e Shqipërisë në NATO dhe për Pavarësinë e Kosovës. Në veçanti, angazhimi i Tij për Kartën e Adriatikut, që u nënshkrua në 2 maj 2003 në Tiranë, ishte shumë i rëndësishëm për të përgatitur anëtarësimin tonë në NATO në mënyrë të pakthyeshme. Po kështu gjatë vizitës së Tij në Tiranë u dakorduam se kishte ardhur koha për të kaluar nga politika standarde para statusit për Kosovën, drejt politikës standarde dhe status njëkohësisht, që do t'i paraprinte atij deklarimi historik nga Presidenti Bush, gjatë vizitës në Tiranë, për Kosovën. Kujtimi i Tij do të mbetet i përjetshëm! Të prehet në paqen e merituar", shkruan Meta.

Ndërkohë edhe kryedemokrati iu është bashkuar mesazheve për ndarjen nga jeta të ish-sekretarit Amerikan të Shtetit, Colin Powell. Basha thotë se vendi ynë ka marrë gjithmonë përkrahjen nga SHBA dhe e njerëzve të mëdhenj si Colin Powell.

“Nëse ndokush pyet se pse ne shqiptarët kemi marrëdhënie te veçanta me Shtetet e Bashkuara të Amerikës, përgjigjja janë personalitetet si Colin Powell. Në këtë botë të madhe, shpeshherë të pasigurt për fatet e shteteve, kombi ynë ka gjetur përkrahje nga ky vend i madh dhe nga njerëzit e mëdhenj si Colin Powell, që në momente përcaktuese për ne, na kanë qëndruar pranë, në sfida që pa ta, do të ishin të pakapërcyeshme. Ndaj, në këtë ditë të trishtë të ndarjes nga jeta të gjeneralit, ish-Sekretar i Shtetit të SHBA-ve dhe kryetarit të Udhëheqësve Ushtarakë, Colin Powell, ne nderojmë me respekt dhe mirënjohje figurën e tij, duke i shprehur ngushëllimet familjes, miqve, bashkëpunëtorëve të tij dhe popullit amerikan. U prehtë në paqe!”, shkruan Basha.

K.T./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 19/10/2021 04:34

    /VLORA/,vaksina e ka efektin 6 muaj dhe te ndihmon t'a kalosh me lehte,por nuk e ndalon 100%.Z.Powell vuante nga nga nje lloj kanceri i qelizave te bardha qe ndalonte,ose sulmonte sistemin himunitar te trupit(multiple myeloma).Edhe pse e kishte bere vaksinen,nuk kishte shans te mbijetonte,mbasi kanceri nuk i lejonte te krijonte imunitet.Edhe sikur te mos e kishte zene Covidi,do t'a kishte pesuar nga dicka tjeter.Por keto jane raste te rralla dhe nuk duhen pergjithesuar dhe nuk duhen perdorur si shembuj per te mos bere vaksinen.

    Përgjigju
  • Vlora: 18/10/2021 14:32

    Gjynah... edhe i vaksinuar, ne Amerike! U be kjo puns vaksines vari lesht dmth. A me jep kush bindjen e plote se po te mos kish bete vaksinen do kishte vdek gjithsesi? Askush nuk mund ti pergjigjet kesaj pyetje e di. Vec po te kthehet Colini dhe ta provoje..shkenca mjekesore ka deshtuar me kete vaksine.

    Përgjigju
  • Sondazhi i ditës:

    A duhet të vendosen kufizime për personat e pavaksinuar?



×

Lajmi i fundit

John

Dy ditë para Kuvendit të Berishës, Escobar mbërrin sot në Tiranë, takohet me Bashën e Ramën! Axhenda e zyrtarit të lartë amerikan