Veliaj: Do nisim punimet për Pallatin e Sportit 'Asllan Rusi' dhe stadiumin 'Selman Stermasi'

Veliaj: Do nisim punimet për Pallatin e Sportit 'Asllan Rusi' dhe stadiumin 'Selman Stermasi'

Pas stadiumit “Arena Kombëtare” dhe Parkut Olimpik “Feti Borova”, Tirana do të ketë edhe dy ambiente të tjera sportive për sportin elitar.

Gjatë një takimi me sportistë dhe përfaqësues të shoqatave sportive, kandidati i koalicionit të majtë Erion Veliaj deklaroi se ka ardhur koha që  kryeqyteti të ketë një pallat të ri sportiv. “Unë jam i mendimit që ka ardhur koha që të njëjtën gjë të bëjmë me Pallatin e Sportit Asllan Rusi. Pallati i Sporti “Asllan Rusi” është sot në një gjendje të mjerueshme dhe kemi dy mundësi: O t’ia plasim histerisë, ose të themi: Nën shembullin e stadiumit, oferta më e mirë që rregullon Pallatin e Sportit, e bën nga e para, mundësisht me katër-pesë mijë spektatorë, me parkim nëntokësor, me të gjitha hapësirat për stërvitje dhe lojëra dinjitoze, ta marrë dhe ta bëjmë siç u bë stadiumi “Qemal Stafa””, tha Veliaj. Kandidati socialist theksoi se menjëherë me nisjen e punës për mandatin e dytë do të hapet gara për Pallatin e ri të Sportit. “Ne do të hapim një garë për Pallatin e Sportit “Asllan Rusi”, sepse unë besoj që pavarësisht sportit komunitar, ne na duhet një hapësirë , një arenë kombëtare e basketbollit dhe volejbollit, e lojërave me dorë, kështu që duam që në fillim në ditët e para të mandatit të dytë të hapet ky proces. Më I miri le të fitojë dhe të na dhurojë më në fund, siç kemi stadiumin edhe një hapësirë tjetër për “Asllan Rusin”, tha ai.

Ndërkaq, kandidati socialist i cili kërkon edhe një mandat të dytë në krye të Bashkisë së Tiranës, shprehu  gatishmërinë për të nisur puna dhe për rijetëzimin e stadiumit “Selam Stermasi”. “Unë gjykoj që në momentin që ne kemi hapur Arenën Kombëtare, pra është bërë efektive dhe mund të luhet, ka ardhur koha që si pronari ekskluziv I stadiumit Dinamo, i stadiumit “Selman Stermasi”, Bashkia e Tiranës, siç do të bëjë me Pallatin e  Sporti duhet të bëjë edhe me “Selman Stermasin” dhe të kemi dy stadiume. Një të qytetit dhe një të shtetit, për të pasur ndeshje dhe për të pasur aktivitet 24/7. Por sigurisht duke qenë se ky investim varet nga hapja e “Arenës Kombëtare” do të respektohet ky rend i gjërave, që ne të kemi gjithsesi një stadium alternativ, në momentin që bëhet gati Arena Kombëtare, ne do të nisim procedura të ngjashme edhe për stadiumin “Selman Stermasi”, sepse besoj qytetit me 1 milionë banorë nuk i del, madje e ka pak edhe dy stadiume, jo më një të vetëm, siç është Arena Kombëtare”, theksoi Veliaj.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • www.youngtribune.com: 26/06/2019 05:58

    Femijerine e kam kaluar ne Tirane. Nuk mbaj mend sa fusha e hapesira sportive keni pas. Nuk I numeroj dot. Te pakten ky Erion Veliaj po perpiqet e po punon. Mbeshteteni se ai ka nevoje per ju o populli I Tiranes.

    Përgjigju
  • USA: 26/06/2019 04:34

    Po Kur te dhimbset kaq shume bëje fushaten brenda tek pallati i sportit qe populli ta shohe dhe ta aprovoje mendimin e lartmadherise tende..

    Përgjigju
  • Emigrant USA lindur ne tirone: 26/06/2019 03:29

    Z Erion nuk eshte serioze cfare ti po premton dukesh se Po TALLESH me tironcit kame kohe qe Po te degjojme ne te gjitha takimet qe ti ben me zgjedhesit NJE KESHILLE PO TEJAP PERPIQU TE BESH DEBAT POLITIK ME PREMTIMET TUA ME RIVALIN TEND NE ZGJEDHJE QE TE BEHESH PAK SERIOZ SE KESHTU SI FLET TIJ TIRONCIT KANE NJESHPREHJE ZE VALLAIN QE KE PER TI BO ATO QE PO PREMTON

    Përgjigju
  • Populli: 25/06/2019 23:28

    Do te vesh paret qe po humb per fushate ? cfare ka pallati i sportit "Asllan Rusi" qe do ta shembesh dhe ta lësh germadhe per gjoja mungese fondesh.

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Këshilli i Europës miratoi rekomandimin për anëtarësimin e Kosovës, Serbia: Skandaloze dhe e turpshme

Këshilli i Europës miratoi rekomandimin për anëtarësimin e Kosovës, Serbia: Skandaloze dhe e turpshme